O La Tatou Itulau

O Marcia V., e 5 tausaga mai Peru, o le mitamitaga ma le olioliga o ona matua, o Patricia ma Raul. E i ai o ia i le vasega a le FMT i le Peraimeri, ma e i ai lana mama FMT. E fiafia o ia e valivali ia ata i le Liahona, ma o le pese e sili ona fiafia i ai o le “O Le Atua Lo’u Tama.”

E fiafia o ia e fesoasoani i le tausiga o tamaiti laiti, ma e fesoasoani foi i lona faiaoga e solo le laupapa. Na te taina le vaiolini. E fiafia Marcia i afiafi faaleaiga ma e fiafia foi e alu i le lotu. E alofa o ia i le Tama Faalelagi ma e iloa e alofa foi o Ia ia te ia.

Guillermo T., 8 tausaga, Venesuela

Sarah D., 6 tausaga, Pasila

Jair O., 10 tausaga, Peru

O se Aiga Faavavau

I le aso 23 o Aokuso, 2008, sa faamauina ai lo’u aiga i le Malumalu o Sate Leki i Iuta. O se miti na taunuu mo i matou. Sa matou malaga mai le isi itu o le lalolagi—o se malaga umi, ma faalelavā tagata, ae sa aoga. Na matou taunuu i Iuta ua po, ma o le mea muamua lava sa matou faia o le o lea e vaai i le malumalu. Sa matua matagofie i le po i le susulu atu i ai o moli uma. Na faamauina i matou i le lua o aso mulimuli ane. O tamaitai sa vaaia tamaiti i le malumalu na fesoasoani i le faiga o o ma’ua ofu papae ma lo’u uso. Ona ma o ai lea e faatasi ma o ma’ua matua. Sa pei lava o le a ou alu e feiloai ma Iesu. Sa matou matua fiafia ina ua faamauina i matou! Ua ou iloa nei e mafai ona matou ola faatasi e faavavau ma lo’u aiga.

Dean F., 5 tausaga, Sri Lanka

I-meli mai lau atatusi, atapu’e, aafiaga, molimau, po o se tusi i le [e-mail], e tusi ai le “Our Page” i le laina o le mataupu. O tusiga taitasi e auina mai e tatau ona i ai le igoa atoa o le tamaitiiti, itupa, ma lona matua faatasi ai ma igoa o matua, uarota po o le paranesi, ma le siteki po o le itu, ma le faatagaga tusia a matua (e taliaina i-meli) e faaaogaina ai le ata o le tamaitiiti ma le tusiga na auina mai. E ono faasa’oina tusiga e auina mai mo le manino po o le uumi.

Atatusi o le taavaletoso mai le faaaloaloga a le faaaliga o faatufugaga a le fanau i le 2010