Nai Otootoga o le Lalolagi

Aoaoga a Perofeta Soifua Ua Tatala Mai le Faafouga

Ua tatala mai e le Ofisa o Aoga a le Ekalesia se tusi lesona fou e lanu atoa o, Aoaoga a Perofeta Soifua. O le tusi lesona fou ua faamamafa ai le taua o perofeta o ona po nei, o loo faamatala ai le matafaioi o le Au Peresitene Sili ma le Korama a Aposetolo e Toasefululua, ma faamalamalama ai le soloa’iga i le Au Peresitene Sili.

E mafai ona faatauina mai le tusi lesona i le store.lds.org po o faletusi autu i le Iunaite Setete. O loo maua i le taimi nei le tusi lesona i le gagana Peretania ma le Sipaniolo ma o loo faaliliuina i isi gagana.

Talimalo le Ekalesia i Saafiafiga a Ekalesia Soofaatasi

O se saafiafiga faamusika a ekalesia soofaatasi e faaalia ai pese, siva, mau, ma tatalo mai faiga masani a ni tapuaiga eseese na faia i le Aso Sa, 20 o Fepuari, 2011, i le Tapeneko i le Lotoa o le Malumalu.

Na amatalia le konaseti i le Aso Sa i se vaega o mea sa faia i sunako, falelotu, malumalu o Initu, ma isi nofoaga ma faaalia ai agaifanua o tapuaiga i lotoifale o Iuta.

O le Saafiafiga Faamusika a Ekalesia Soofaatasi na amatalia i le vaitaimi o Taaloga a le Olimipeka o le 2002, ma e faia ia Fepuari o tausaga uma.

© 2007 IRI