Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O nai faataitaiga nei.

“Minoi Loa,” itulau e 42: I le avea ai ma se vaega o le lesona, mafaufau e fai le taaloga Simon Says (Fai mai Simona) e faaalia ai le faatalitali mo se tasi e fai atu ia te oe e minoi. (O le faiga o le taaloga, e fai mai se tagata se toatasi, “fai mai Simona …” ona fai atu lea i isi e fai se taga faapitoa, e pei o le sii o le lima. E faaauau ai pea mo ni nai taimi ona ta’u atu e se tagata e fai, ona taumafai lea ia fai e isi se taga ae na te le’i fai atu muamua, “fai mai Simona.” Mo se faataitaiga: “Fai mai Simona e sii lou lima. Fai mai Simona e patipati ou lima. Tatu lou vae.” Tuu atu lau molimau e uiga i se taimi na taialaina ai oe a o e agai i luma.

“O Le Tali i le Fuaiupu e Valu,” itulau e 50: Faitau faatasi le tusiga ona faitau lea o le Iakopo 1:8. Talanoa po o le a le uiga o le faalotolotolua. Atonu e te manao foi e faitau le Mataio 6:24 ma le Iosua 24:15. O le a le mea ua aoao mai e lenei tusiga e uiga i le sootaga i le va o a tatou filifiliga ma o tatou manaoga? O le a le mea o loo aoao mai ia i tatou e uiga i lo tatou Tama Faalelagi? O le a le mea na fai e Angelica e maua ai tali i ana fesili? Mafaufau e molimau atu i le taua o le suesue i tusitusiga paia ma tatalo.

“O Le Valaauga,” itulau e 68: Ua faamatalaina ai lenei tala. Mafaufau e talanoaina auala e mafai ai ona faamanuiaina e taleni a tagata o lou aiga ia isi e ala i auaunaga ma valaauga o le Ekalesia. Ia fai se tautinoga e aoao pe faalelei atili se taleni po o se tomai.