Api Talaaga o le Anapogi

Renee Harding, Karolaina i Matu, ISA

Sa masani ona faigata le anapogi ia te au—seia oo ina ou tausia se api talaaga o le anapogi. I le taimi nei, a o le’i amataina a’u anapogi taitasi, ou te tusia i lalo se faamoemoega faapitoa mo la’u anapogi. Mo se faataitaiga, ou te ono tusia, “Ona o lo’u matua popole lava i lo’u tofiga fou o se faufautua o le Ofagapi, o loo ou anapogi ai ma tatalo ina ia faamanuia a’u e le Alii ia ou to’a, mautinoa, ma ou le popole i le aso a taeao pe a ou aoaoina atu la’u lesona muamua.”

I le taimi o la’u anapogi, ou te tusia ai i lalo mea e musuia ai a’u; o manatu, lagona, ma musumusuga e oo mai i lo’u mafaufau ma lo’u loto; ma mau e faatatau i ai lea e matua talafeagai lava i le faamoemoega o la’u anapogi.

A o o’u faasoaina atu ou manaoga i le Tama Faalelagi, e masani lava ona Ia faamanuiaina au i auala ou te le’i mafaufauina. O mea e ono foliga mai e tutupu faafuasei i lo’u olaga e manino lava le fesootai pe a ou tusia i lalo ma vaai i le auala e saofaga uma ai i lo’u tuputupu ae ma lo’u alualu i luma. Talu mai le 1996, i le taimi muamua na ou tausia ai se api talaaga o le anapogi, ua ou vaai ai i auala ua faamanuiaina ai e le Tama Faalelagi lo’u olaga. Ou te molimau atu i le matautia o le mana faaleagaga o le anapogi ma le tatalo ma mafaufau i le anapogi o se avanoa o le “olioli ma le tatalo” (MFF 59:14).