Aisea e taua ai le auauna atu i isi?

Mai le “Auaunaga ma le Le Manatu Faapito,” Liahona, Me 2009, 93–96.

Ua faasoa mai e Elder Dallin H. Oaks o le Korama a Aposetolo e Toasefululua nisi o manatu e uiga i lenei mataupu.

Na tuuina mai e lo tatou Faaola o Ia lava i se auaunaga e le manatu faapito. Sa Ia aoao mai e tatau ia i tatou taitoatasi ona mulimuli ia te Ia e ala i le taofia o i tatou lava mai mea tatou te manatu faapito ai ina ia mafai ai ona auauna atu i isi.

O le aai ma feinu i le faamanatuga i vaiaso taitasi, tatou te molimauina ai la tatou tautinoga e auauna atu i le Alii ma o tatou uso a tagata.

Sa aoaoina i tatou e Iesu e faapea, o i tatou o e mulimuli ia te Ia e tatau lava ona taua ma tulaga ese, ina ia susulu atu ai i tagata uma.

E sili atu lo tatou fiafia ma faamalieina pe a tatou galulue ma auauna atu i mea tatou te foai atu, ae le o mea tatou te maua mai.

Ata na tusia e Steve Kropp