Molisulu o le Malumalu
Malumalu o Vancouver British Columbia
O le aso 2 o Me 2010, na avea ai le Malumalu o Vancouver British Columbia ma malumalu lona 131 ua faapaiaina i lenei tisipenisione. O le malumalu e 28,165 futu faatafafa (2,617 m2) lona tele, ma e aofia ai se vai papatisoga, se potu selesitila, potu e lua mo faaeega paia, ma potu e lua mo faamauga. O totonu, o loo i ai mamanu lanumeamata, lanumoana vaivai, ma le lanuauro, e faamamaluina ai le matagofie o vaomatua, sami, ma le vanimonimo o le Pasefika Matusisifo. O le laau o le dogwood a le Pasefika, o se fugalaau a le atunuu o British Columbia, o loo faaalia i atavali ma ie i totonu o le fale atoa.
O le po a o lumanai le faapaiaga, e silia ma le 1,200 le autalavou na auai i faafiafiaga faaleaganuu. Na faaautuina “O Se Faailoga i le Lalolagi,” na faaalia ai i le faafiafiaga le talafaasolopito ma tagata o Kanata. I le amataga o le faafiafiaga, na sui ai e Peresitene Monson le viiga amata i le vii o le fu’a o Kanata, ma sa ia faapea atu, “Ua matou o mai tatou te fiafia faatasi ma outou ona o Kanata.”
I le tatalo o le faapaiaga, na saunoa ai Peresitene Monson: “Ia mama lima ma loto o i latou uma o e ulufale mai i ai. Ia faateleina lo latou faatuatua a o latou galulue iinei mo i latou o e maliliu. Ia latou o ese atu ma se lagona o le filemu, ma viia ai Lou suafa paia.”1
Mai luga: O se vaaiga i le vai papatisoga, faamatalaga o mamanu, ma le potu selesitila o le Malumalu o Vancouver British Columbia.