O Se Isi Ituaiga Ese o Laau Kerisimasi

Saunia e Eliana Osborn

E faavae i se tala moni

“Ia outou amoina la’u amo, ma ia outou faaa’oa’o ia te au” (Mataio 11:29).

1. Sa sagisagi fiafia Carlos mo le Kerisimasi. Sa i ai se mea e ese i lo latou aiga i lenei tausaga. Sa faapipii i le faitotoa se laau telē e fai i pepa iila lanumeamata.

   Mama, aisea ua i ai se laau i luga o le faitotoa?

   O le a tatou faia se mea e ese mo le Kerisimasi i le tausaga lenei.

2. Sa tau mafaufau Carlos po o le a se mea o le a ese ai. Sa taumanatunatu foi lona tuafafine o Araceli, ma lona uso laitiiti o Diego.

3. Sa ou faia meateuteu pepa nei mo le laau. O le a tatou tusia i aso taitasi se mea e uiga ia Iesu Keriso i luga o se meateuteu ona tuu lea i luga o le laau. E oo atu i le Po o le Kerisimasi, o le a faatumulia le laau atoa!

4. Sa fiafia Carlos i lena manatu. Sa tamoe Araceli i meateuteu ma aumai se penitala mumu.

   Sa papatisoina Iesu.

5. Manaia lena. Pe mafai ona ou tusia na faia e Iesu ni vavega se tele?

   Matuai lelei lava lena. E tofu lava oulua ma ni aitia lelei tele!

6. O po uma pe a uma le ‘aiga i le afiafi, e faia ai e Araceli ma Carlos se isi meateuteu ma tuu i luga o le laau. Sa fesoasoani Diego e ala i le faamatalaina atu ia i latou e alofa o ia ia Iesu.

7. Ina ua faigata ona mafaufau i nisi aitia, sa latou sueina i tusitusiga paia. Sa le’i iloa e Carlos e tele naua fuaiupu e uiga ia Iesu!

8. I le Po o le Kerisimasi, sa usuusuina ai e le aiga atoa ni pese ma faitauina ia meateuteu sa latou tuuina i luga o le laau. Sa fiafia Carlos aua sa ia iloaina le tele o mea e uiga ia Iesu. Sa ia iloa ua saunia o ia mo le Kerisimasi i lenei tausaga.

Ata na tusia e Scott Peck