Mekisiko

Na taunuu ia uluai faifeautalai a le Au Paia o Aso e Gata Ai i Mekisiko i le 1875. Sa vaevaeina i latou i ni vaega se lua. Na auina atu e le tasi vaega ni Tusi a Mamona faa-Sipaniolo i taitai lauiloa o le atunuu ma aoao atu le toatele o tagata, ae sa leai ni a latou tagata na liliu mai. O le isi vaega na papatisoina ia uluai tagata o le Ekalesia e toalima i Mekisiko, i Hermosillo, Sonora. O le fa tausaga mulimuli ane, na talosaga ai se tasi o taitai o, Plotino C. Rhodakanaty o le Aai o Mekisiko, lea na mauaina ia tusi o le Ekalesia i le 1875, ina ia papatisoina o ia faapea ma isi. E oo atu i le 1885 ua maea ona faaliliuina i le gagana Sipaniolo le Tusi a Mamona.

Na feagai le atunuu ma faafitauli faaupufai mo le tele o tausaga, peitai na faamaoni pea ia tagata anamua o le ekalesia. Na faatulagaina le uluai siteki e tautala faa-Sipaniolo, le Siteki a Mikesiko, i le aso 3 o Tesema, 1961. Na tatalaina e le Ekalesia ni nai a’oga, e aofia ai ma Benemérito de las Américas, lea na faavaeina i le Aai o Mekisiko i le 1963, ma o loo i ai pea lava.

Na faapaiaina i le 1983 le uluai malumalu na fausia i Mekisiko, lea e i le Aai o Mekisiko. E oo atu i le 2000, ua valu malumalu ua faapaiaina i Mekisiko.

E oo atu i le 2004, ua avea Mekisiko ma uluai atunuu i fafo atu o le Iunaite Setete ua tasi miliona tagata o le ekalesia o i ai.

O Le Ekalesia i Mekisiko
Tagata auai	1,234,545
Misiona	23
Siteki	232
Uarota ma Paranesi	2,009
Malumalu	12 o loo faaaoga; 1 na faasilasila atu

Na auai atu ia taitai o le Ekalesia i le suatiaina o le eleele mo Benemérito de las Américas i le aso 4 Novema, 1963.

Aai o Mekisiko

Malumalu o Tijuana Mekisiko (ua faasilasila mai)

Malumalu o Ciudad Juárez Mekisiko

Malumalu o Colonia Juárez Chihuahua Mekisiko

Malumalu o Hermosillo Sonora Mekisiko

Malumalu o Monterrey Mekisiko

Malumalu o Tampico Mekisiko

Malumalu o Guadalajara Mekisiko

Malumalu o Mekisiko Aai o Mekisiko

Malumalu o Veracruz Mekisiko

Malumalu o Oaxaca Mekisiko

Malumalu o Mérida Mekisiko

Malumalu o Villahermosa Mekisiko

Malumalu o Tuxtla Gutiérrez Mekisiko

Vasa Pasefika