Faamatalaga
Sa Lofituina Au i le Agaga Faafetai
O Leo o le Au Paia o Aso e Gata Ai o se tasi lea o tusiga e muamua lava ona ou susue i ai i taimi uma e taunuu mai ai la’u mekasini i masina taitasi. Sa faapena se tulaga na i ai ina ua ou faitau i le tusiga “O Oulua o Agelu” (Liahona, Tes. 2010, 38). Sa lofia ai au i se mana tele faaleagaga, ma sa lofituina au i le agaga faafetai mo le misiona a lo tatou Faaola ma mo i latou o e o loo auauna ma le le manatu faapito i Lona suafa. Ou te faafetai tele ia Heidi Windish Fernandez mo le faasoaina mai o lona aafiaga matagofie.
Larry D. Kump, West Virginia, ISA
O Le Liahona Ua Faia ai se Eseesega
O savali o le Liahona, o taimi uma lava e lagolagoina ai au o se tagata, tamā, tane, ma se taitai, ma o lomiga o le konafesi aoao, e aumai ai se agaga faapitoa i totonu o lo matou aiga. Ou te okaina i taimi uma ia lomiga eseese mo a’u, o lo’u toalua, ma ou atalii taitoatasi ina ia mafai ona matou faitau ma faailoga savali pe a matou mananao ai ma ia matou le feauauai ai i se mekasini e tasi. I le faaiuga o le tausaga matou te tuufaatasia ai mekasini ma auina atu ni mekasini faasili i uo e le toaaga pe le auai i le ekalesia. Ou te molimau atu ua faia e le Liahona se eseesega i o matou olaga.
Fabio Allegretti Cooper, Pasila