Ua Saunoa Mai i le Aso

E masani ona asiasi atu le Au Pulega Aoao i tagata o le Ekalesia i le lalolagi atoa. E mafai ona maua lipoti o la latou auaunaga i le news.lds.org faapea foi ma le, Ua Saunoa Mai Perofeta ma Aposetolo i le Aso i le prophets.lds.org i le gagana Peretania, Farani, Siamani, Italia, Potukale, ma le Sipaniolo. O nai tala pupuu nei o a latou faigamalaga lata mai nei.

• O le aso 26 o Me, 2011, sa saunoa ai Peresitene Dieter F. Uchtdorf, Fesoasoani Lua i le Au Peresitene Sili, i se aofia e toa 800 o taitai o alalafaga, pisinisi, ma ekalesia sa auai i le Usugafono i Los Angeles mo Mataupu o le Lalolagi, o se faalapotopotoga tutoatasi ua tuuto atu i le faalauteleina o le malamalama i mea o loo tutupu i le lalolagi. Sa saunoa Peresitene Uchtdorf e uiga i le tuputupu ae o le Ekalesia mai le 1830 e oo mai i le asō. Sue le “Uchtdorf, Los Angeles” i luga o le news.lds.org.

• O le aso 5 o Iuni, 2011, sa faatulagaina ai e Elder Russell M. Nelson o le Korama a Aposetolo e Toasefululua le Siteki o Moscow Rusia—o le uluai siteki lea i Rusia ae o le lona lua o siteki i le eria o loo aofia i le Soviet Union sa i ai muamua. E silia ma le 1,100 tagata sa auai. Sue le “Nelson, Moscow” i luga o le news.lds.org.

• O Me, sa asiasi atu ai Elder Jeffrey R. Holland o le Korama a Aposetolo e Toasefululua i Initia, Hong Kong (lea sa faatasi atu ai ma Elder David A. Bednar o le Korama a Aposetolo e Toasefululua), ona agai atu ai lea i Monokolia. Sue le “Holland, India” i luga o le news.lds.org.

• O le aso 15 o Iuni, 2011, sa asiasi atu ai le Epikopo Pulefaamalumalu o Epikopo H. David Burton i Higashi Matsushima, Iapani, e iloilo le tulaga o le atunuu talu mai le mafuie ma le galulolo i le aso 11 o Mati, ma mataitu fesoasoaniga alofa a le Ekalesia o loo ofoina atu iina. Sue le “Burton, Japan” i luga o le news.lds.org.