Dalhin sa Tahanan ang Turo sa Primary

Ang mga Pagpapala ng Priesthood ay para sa Lahat

Magagamit ninyo ang aralin at aktibidad na ito para matutuhan pa ang iba tungkol sa tema ng Primary sa buwang ito.

Habang isinasalin ni Joseph Smith ang Aklat ni Mormon, nagkaroon sila ng katanungan ng kanyang tagasulat na si Oliver Cowdery. Nagpunta sila sa kakahuyan upang ipagdasal ito. Habang nagdarasal sila, “isang sugo mula sa langit ang bumaba sa isang ulap ng liwanag.” Ang sugong ito ay si Juan Bautista. Ipinatong niya ang kanyang mga kamay sa ulo nina Joseph at Oliver at ibinigay sa kanila ang Aaronic Priesthood. Pagkatapos ay inutusan ni Juan Bautista sina Joseph at Oliver na binyagan ang isa’t isa. Pagkaraan ng maikling sandali, bumaba sa lupa sina Apostol Pedro, Santiago, at Juan at inorden sina Joseph at Oliver sa Melchizedek Priesthood. Nasa mundo muli ang priesthood ng Diyos. (Tingnan sa Joseph Smith—Kasaysayan 1:68–72.)

Sa pamamagitan ng priesthood maaari tayong tumanggap ng napakagagandang basbas at ordenansa. Kabilang sa mga basbas na iyon ang mga ibinibigay ng mga ama o iba pang karapat-dapat na mga priesthood holder sa mga bagong silang na sanggol, maysakit, at mga bata. Kailangan din nating matanggap ang ilang ordenansa sa priesthood upang makabalik sa Ama sa Langit. Ang ilan sa mga ordenansang ito ay kinabibilangan ng binyag sa pamamagitan ng paglulubog, pagtanggap ng kaloob na Espiritu Santo, at mga sagradong ordenansa sa templo na sama-samang magbubuklod sa mga pamilya magpakailanman. Maisasagawa rin sa templo ang mga ordenansa para sa mga taong pumanaw na nang walang mga pagpapala ng ebanghelyo. Ang mga pagpapala ng priesthood ay para sa lahat!

Awitin at Banal na Kasulatan

• Pumili ng isang kanta tungkol sa priesthood mula sa Aklat ng mga Awit Pambata

• Doktrina at mga Tipan 84:35

Ikaw Lang

Sa Mahalagang Perlas, buklatin ang Joseph Smith—Kasaysayan 1:68–73. Gamitin ang mga talatang iyon para matulungan kayong punan ang mga blangko sa ibaba. Sa isang kapirasong papel, isulat ang iba pang mga bagay na natutuhan ninyo mula sa pagbabasa ng mga talatang ito.

1. “Ang Pagkasaserdoteng Aaron … na may hawak ng mga susi ng paglilingkod ng mga , at ng ebanghelyo ng .”

2. ang unang nabinyagan.

3. Bininyagan ni Oliver Cowdery si .

4. Kumilos si Juan Bautista sa ilalim ng pamamahala ng , , at .

5. Kalaunan ay ipinagkaloob nina Pedro, Santiago, at Juan ang Priesthood kina Joseph at Oliver.

Mga sagot: 1. mga anghel, pagsisisi; 2. Oliver Cowdery; 3. Joseph Smith; 4. Pedro, Santiago, Juan; 5. Melchizedek.

CTR Activity Ang Priesthood ay Tumutulong sa mga Tao

Ang priesthood ay kapangyarihan ng Diyos na maglingkod at magpala sa mga tao sa pamamagitan ng mga ordenansa at basbas. Sa mga larawang ito, idrowing ang sarili ninyo sa tagpo.

Nagbabasbas at nagpapasa ng sakramento ang mga mayhawak ng priesthood. Idrowing ang iyong sarili na nakaupo sa upuan, handang makibahagi ng sakramento.

Maaaring bigyan ng mga basbas ng priesthood ang maysakit. Idrowing ang iyong sarili sa kama, at maysakit.

Ang mga pamilya ay maaaring ibuklod sa pamamagitan ng mga ordenansa sa templo. Idrowing ang pamilya ninyo sa harapan ng templo.

Ang binyag at pagtanggap ng kaloob na Espiritu Santo ay mga ordenansa ng priesthood. Idrowing ang sarili mo sa harapan ng bautismuhan.

Kaliwa: Ang Pagpapanumbalik ng Melchizedek Priesthood, ni Kenneth Riley © 1965 IRI; inset: paglalarawan ni Phyllis Luch © 1988 IRI; Basbasan Sila sa Kanyang Pangalan, ni Walter Rane © IRI; kanan: mga paglalarawan ni Rebecca Miller