Notebook ng Kumperensya ng Abril 2013

“Kung ano ang sinabi ko, ang Panginoon, ay sinabi ko; … maging sa pamamagitan ng sarili kong tinig o sa tinig man ng aking mga tagapaglingkod, ito ay iisa” (D at T 1:38).

Habang nirerepaso ninyo ang pangkalahatang kumperensya ng Abril 2013, magagamit ninyo ang mga pahinang ito (at ang mga Notebook ng Kumperensya sa darating na mga isyu) upang tulungan kayong pag-aralan at ipamuhay ang mga itinuro kamakailan ng mga buhay na propeta at apostol at ng iba pang mga pinuno ng Simbahan.

Para mabasa, mapanood, o mapakinggan ang mga mensahe sa pangkalahatang kumperensya, bisitahin ang conference.lds.org.

Mga Salita ng Propeta Tungkol sa Kahinaan ng Tao

“Sa Simbahang ito, mas mahalaga ang alam natin kaysa hindi natin alam. At tandaan, sa mundong ito, lahat ay dapat mamuhay sa pananampalataya.

“Kaya’t maging mapagpaumanhin sa kahinaan [ng tao]—sa inyong kahinaan gayundin sa mga kasama ninyong naglilingkod sa Simbahan na pinamumunuan ng boluntaryo at mortal na kalalakihan at kababaihan. Maliban sa Kanyang perpektong Bugtong na Anak, mga taong di-perpekto ang tanging katulong ng Diyos sa gawain noon pa man. Nakayayamot siguro iyon sa Kanya, pero napagpapasensyahan Niya iyon. Dapat, tayo rin. … Kaya maging mapagpasensya at mapagpatawad.”

Elder Jeffrey R. Holland ng Korum ng Labindalawang Apostol, “Panginoon, Nananampalataya Ako,” Liahona, Mayo 2013, 94.

Ang Kasagraduhan ng Kasal

“Ang kautusan na magpakarami at kalatan ang mundo ay iniuutos pa rin ngayon. Kaya nga, ang kasal ng isang lalaki at isang babae ang tamang pamamaraan kung saan papasok sa mortalidad ang mga premortal na espiritu. Ang hindi pakikipagtalik bago ikasal at lubusang katapatan kapag kasal na ang nagpoprotekta sa kabanalan ng sagradong pamamaraang ito.”

Elder David A. Bednar ng Korum ng Labindalawang Apostol, “Naniniwala Kami sa Pagiging Malinis,” Liahona, Mayo 2013, 42.

Mga Sagot para sa Inyo

Bawat kumperensya, nagbibigay ng inspiradong mga sagot ang mga propeta at apostol sa mga tanong ng mga miyembro ng Simbahan. Gamitin ang inyong isyu ng magasin sa kumperensya o bisitahin ang conference.lds.org para makita ang mga sagot sa mga tanong na ito:

• Paano ako mananatiling malakas kapag kinukutya ako dahil sa aking mga pinaniniwalaan? Tingnan sa Robert D. Hales, “Tumayo nang Hindi Natitinag sa mga Banal na Lugar,” 48.

• Ano ang maaari kong gawin kung ang taong mahal ko ay gumagawa ng mga maling pasiya? Tingnan sa Henry B. Eyring, “Magsiparito sa Akin,” 22; at Richard G. Scott, “Para sa Kapayapaan sa Tahanan,” 29.

• Bakit napakahalaga ng kasal sa pagitan ng isang lalaki at isang babae? Tingnan sa David A. Bednar, “Naniniwala Kami sa Pagiging Malinis,” 41; L. Whitney Clayton, “Pagsasama ng Mag-asawa: Magmasid at Matuto,” 83; at L. Tom Perry, “Ang Pagsunod sa Batas ay Kalayaan,” 86.

• Ano ang layunin ng priesthood? Tingnan sa M. Russell Ballard, “Ito ang Aking Gawain at Aking Kaluwalhatian,” 18.

• Bakit ba natin kailangan ang isang simbahan? Tingnan sa Quentin L. Cook, “Kapayapaan sa Sarili: Ang Gantimpala ng Kabutihan,” 32; at D. Todd Christofferson, “Pagtubos,” 109.

• Mga Kuwento mula sa Kumperensya