គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ នៅខាងក្រោមជាគំនិតចំនួនពីរ ។
« ការក្លាយខ្លួនជាអ្នកផ្សព្វផ្សាយសាសនាម្នាក់នៃប្រកាសដំណឹងល្អរបស់យើង »ទំព័រ 46 ៖ សូមពិចារណាធ្វើការពិភាក្សាជាគ្រួសារពីចារឹតលក្ខណៈទាំងប្រាំរបស់ពួកអ្នកផ្សព្វផ្សាយសាសនានៃប្រកាសដំណឹងល្អរបស់យើង ។ បន្ទាប់មកសូមព្យាយាមអនុវត្តន៏តាមគោលការណ៍ទាំងនោះ ។ អ្នកអាចរំឭកផ្នែកមួយក្នុងប្រកាសដំណឹងល្អរបស់យើងឡើងវិញរួមគ្នា ហើយផ្ដល់ពេលខ្លីមួយដាក់វេនសមាជិកគ្រួសារដើម្បីអនុវត្តបង្រៀនផ្នែកនិមួយៗ ដកស្រង់ចេញពីមេរៀនអ្នកផ្សព្វផ្សាយសាសនា ខណៈដែលសមាជិកគ្រួសារផ្សេងទៀតធ្វើជាពួកអ្នករៀន ។ អ្នកអាចពិភាក្សាពីឧបសគ្គនៃកិច្ចការផ្សព្វផ្សាយសាសនា ហើយចែកចាយពីរបៀបដើម្បីអភិវឌ្ឍន៍ចរឹតលក្ខណៈដែលបានរៀបរាប់ដោយអែលឌើរ ដេវីឌ អេ បែដណា ។
« ចូររឹងមាំ មានសុខភាពល្អ ហើយឆ្លាតវៃ » ទំព័រ 52 ៖ បន្ទាប់ពីមើលឡើងវិញនូវអត្ថបទរបស់អែលឌើរ អេឌ្រាន អូឆាវ សូមពិចារណារៀបចំសកម្មភាពមួយដែលអនុញ្ញាតឲ្យសមាជិកគ្រួសាររបស់អ្នកមានភាពសកម្មខាងរាងកាយរួមគ្នា ។ អ្នកអាចលេងកីឡា ឬដើរកំសាន្ត ។ សូមធ្វើឲ្យប្រាកដថាសកម្មភាពរបស់អ្នកសមស្របទៅនឹងអាយុ និងសមត្ថភាពរបស់សមាជិកគ្រួសារ ( ឧទាហរណ៍ អ្នកអាចសុំឲ្យកូនធំៗរបស់អ្នកជួយកូនតូចៗបញ្ចប់សកម្មភាពនោះ ) ។ បន្ទាប់ពីសកម្មភាពរបស់អ្នក សូមពិភាក្សាជាគ្រួសារពីអត្ថប្រយោជន៍ពីរបៀបរស់នៅឲ្យសកម្មខាងរាងកាយ ។ អ្នកក៏អាចរៀបចំរបៀបដើម្បីបន្តធ្វើការជាគ្រួសារ នៅក្នុងការធ្វើតាមពាក្យទូន្មានរបស់ពួកព្យាការីដែលនៅរស់ពីការថែទាំដល់រូបកាយរបស់យើង ។
ជាភាសារបស់អ្នក
លីអាហូណា និង ឯកសារផ្សេងទៀតរបស់សាសនាចក្រមានជាច្រើនភាសា សូមចូលទៅកាន់ languages.lds.org ។
រចនារូបភាពដោយ ហ្គ្រេក ដាយមិន