Mo Tamaiti Laiti
O Se Malaga i le Vao
Sa nonofo Nifae ma lona aiga i Ierusalema. O lona tama o Liae, o se perofeta. O lona tina o Sarai. Ona uso o Lamana, Lemuelu, ma Sama.
Sa tatalo le tama o Nifae. Sa ta’u atu e le Tama Faalelagi e manaomia ona tuua e lona aiga le aai ina ia mafai ona latou saogalemu. Sa faigata ona tuua lo latou fale. Ae sa usitai le aiga o Nifae.
Sa o le aiga o Nifae i le vao. Ona fetalai atu lea o le Tama Faalelagi e manaomia ona toe foi atu Nifae ma ona uso i le aai e aumai tusitusiga paia. Sa faigata ona fai. Ae o Nifae o se faataitaiga lelei ina ua mumusu ona uso e usitai. Sa ia fai atu na te faia le mea na poloai mai ai le Tama Faalelagi.
Sa tuuina mai e le Tama Faalelagi i le aiga o Nifae se tapasa faapitoa. Sa ta’ua o le Liahona. Ina ua usitai le aiga o Nifae i le Tama Faalelagi, na faaali atu ia i latou le ala e malaga ai i le vao. Sa faaali atu ai foi ia Nifae le mea e alu i ai e maua mai ai meaai mo lona aiga.
E mafai ona avea i tatou e pei o Nifae pe a tatou usiusitai i poloaiga ma mulimuli i le Tama Faalelagi!