O Le Taulaga Anapogi a Uilifoti

Saunia e Elder Chi Hong (Sam) Wong

O Le Fitugafulu

I se tasi aso sa ou vaai i lo’u atalii matua, o Uilifoti, o sauniaina se teutusi o le sefuluai. Masalo pe tusa ma le lima tausaga le matua i lea taimi. E le faigaluega Uilifoti e maua ai se tupe, o lea sa ou mafaufau ai pe aisea na ia totogiina ai le sefuluai. Ina ua ou fesili atu ia te ia, sa ia fai mai o la sa totogia se taulaga anapogi.

Sa lei tele ni tupe a Uilifoti lava ia. Ae sa fiafia lava o ia e totogi se taulaga anapogi.

Sa faagaeetia au i lenei faatinoga o le agalelei. Sa ou fesili atu ia te ia pe aisea na ia filifili ai e faia lenei mea.

Na tali mai Uilifoti, “E leai ni mea ou te manaomia. Ae ou te iloa e i ai isi e i ai mea e manaomia.” Sa ia iloa o le a fesoasoani lana tupe i tagata. Sa matuai fiafia lava o ia i lena mea.

O lenei aafiaga faatauvaa na aoao mai ai ia te au se lesona lelei: e maua moni lava e tamaiti le Agaga ma e i ai se alofa natura e faapei lava o Keriso. Sa ia Uilifoti se mea na lei manaomia ma sa ia iloa o le a fesoasoani tele i isi tagata. Sa naunau o ia e ositaulaga.

O le teuina o tupe e lelei. Ae sa aoao mai e lo’u atalii talavou ia te au se isi lesona e ala i lana faataitaiga. E ala i le faalogo atu i le Agaga, e mafai ai ona tatou faamanuiaina olaga o isi pe a tatou faasoa atu mea ua tatou maua.