Aoao e uiga i le Tama Faalelagi: O se Suesuega o Vaega Iloga

E te tatalo i le Tama Faalelagi, ae ua e mafaufau ea pe faapei o Ia? pe aisea lava na Ia fesoasoani ai ia te oe e saili lou ki na leiloa i le isi aso? po o le a le lelei o Lona silafia o oe? pe faapefea ona Ia fesootai mai ia te oe?

E laki, e le faapea lava ua tuai ona e aoao atili e uiga i le Atua. O lou avanoa lenei e amata ai se suesuega o mau i tufaaga iloga, lea o le a e aoao tonu ai pe o le a le mafuaaga e—mafaufau ai e uiga ia te oe, le Atua o le atulaulau—e faitau piliona le mano o fanau agaga.

Ae e mafai ona faigata tele ia mea iloga, o lea la ia fesoasoani lenei siata faasolo e ave oe i le mea e te alu i ai.

E mafai ona e filifilia se fesili i aso taitasi i luga o le siata. A o e mulimuli i laasaga ma tali ia fesili, taumafai e mafaufau e uiga i la oulua sootaga ma le Tama Faalelagi. Mafaufau e uiga i Lana matafaioi i lou olaga ma fesili ifo ia te oe lava po o le a se mea e mafai ona e faia e faalatalata atili atu ai ia te Ia.

Taimi Anoa faatasi ma Ia

“Ina ia faamalolosia la tatou sootaga ma le Atua, tatou te manaomia nai taimi anoa e na o i tatou ai ma Ia. O le taulai atu ma le filemu i tatalo patino i aso uma ma le suesueina o tusitusiga paia, ia taumafai e le aunoa ia agavaa mo se pepa faataga aoga o le malumalu—o nisi nei o teugaoa atamai o o tatou taimi ma taumafaiga ia latalata atili atu i lo tatou Tama Faalelagi. Ia tatou taliaina le valaaulia o i le Salamo: ‘Ia filemu ma ia iloa o a’u o le Atua’ [Salamo 46:10].”

Peresitene Dieter F. Uchtdorf, Fesoasoani Lua i le Au Peresitene Sili, “E Uiga i Mea e Sili Ona Taua,” Liahona, Nov. 2010, 21.

E faapei le Atua?	Mataio 7:9–11 1 Ioane 1:5 Eteru 3:12	O a ni upu e tulaga ese ia te oe? Sa i ai ni upu na ta’u faafia? Sue i le lomifefiloi, po o le Taiala i Tusitusiga Paia.
E faapefea ona tutusa le Tama Faalelagi ma Iesu Keriso ae eseese?	Ioane 3:16, 35 Ioane 17:20–23 Mamona 7:5–7	Saunia se lesona o le afiafi faaleaiga e uiga i mea na e aoaoina.
E faitau piliona tagata i le lalolagi! E mafai faapefea e le Tama Faalelagi ona iloa au?	1 Samuelu 16:7 Salamo 82:6 Luka 12:6–7 Mataupu Faavae ma Feagaiga 93:23	O le a le manatu autu i mau taitasi? Taumafai e fai se aotelega i ni upu e itiiti ifo ma le lima.
E mafai faapefea ona ou iloa le Tama Faalelagi?	Ioane 14:6–9 1 Ioane 4:7 Alema 30:44 Mataupu Faavae ma Feagaiga 132:22–24	Fai se sailiga i le LDS.org mo soo se upu autu e te maua i mau. Asiasi i le lds.org/media-library e matamata i se vitio i luga o le autu.
Ua ta’u mai ia i tatou e talanoa i le Tama Faalelagi i le tatalo. Ae faapefea ona talanoa mai le Tama Faalelagi ia te au?	Mataupu Faavae & Feagaiga 1:38 Mataupu Faavae ma Feagaiga 8:2–3 Mataupu Faavae ma Feagaiga 9:8–9	E faapefea ona e talanoa atu i le Atua? O le a se mea e mafai ona e suia ona o se mea na e aoaoina mai?

E i ai se isi au fesili e uiga i le Tama Faalelagi, Iesu Keriso, po o le Agaga Paia? Tusi i lalo ma ia faaaoga mo suesuega o tusitusiga paia i le lumanai pe a uma au fesili o le siata faasolo. Ma aua nei galo e mafai ona e faaaogaina punaoa e pei o le Taiala i Tusitusiga paia, Faamaoni i le Faatuatua, ma le Talai La’u Talalelei ina ia aoao atili ai e uiga i mea o loo e suesueina!