O Tamaiti e Tutu Maualuga
Tutu Maualuga i Itiopia
E alaala le tusitala i Iuta, ISA.
O lou igoa o Tsion!
Ou te nofo i Itiopia, o se atunuu i Aferika i sasae. Ou te fiafia e taalo soka ma faitau tusi. Ma ou te manao e avea o se fomai pe a ou matua. Ou te taumafai e tu maualuga e ala i le ola ai i le talalelei i aso uma, ma faasoa atu i au uo!
Pe Na Faapefea ona Ou Maua se Molimau
Sa ou sau i le lotu mo le taimi muamua ina ua valu o’u tausaga. Sa ou faitauina le Tusi a Mamona, sa ou faalogo i faifeautalai, ma sa ou tatalo. Na ta’u mai e le Agaga e moni le Ekalesia, ma sa ou manao e papatiso. Ua ou fiafia i le talalelei.
Fesoasoani i Lo’u Aiga
E masani lava ona savavali lo’u aiga i le lotu, ma e tusa ma le itula matou te savavali ai. Pe a le lava lo’u uso laitiiti, ona sii lea e lo’u uso pe ou te fafaina foi. Ou te fesoasoani i le fale i le fufuluina o ipu ma faamama le fale.
O Lo’u Valaauga i le Ekalesia
O le vaega ou te fiafia lava i ai i le lotu o le sauniga faamanatuga. Ou te taitaia musika.
Ou te fiafia e aoao e uiga i le talalelei. O la’u tala tusi paia ou te fiafia i ai o le tala ia Tavita ma Koliata. O le pese ou te fiafa i ai o le “O Tala o le Tusi a Mamona.”
Faasoaina atu o Mea Ua Ou Iloa
Ou te faamatala i a’u uo i le aoga e uiga i le talalelei toefuataiina. E masani ona fesili mai se tasi uo ia te au e uiga i le Ekalesia—ona faafuasei lea ona tuu. Sa ou fesili atu ia te ia pe aisea. Sa fai mai o ia ua le fiafia ona matua. Ou te faamoemoe e i ai se aso o le a suia ai mafaufau o ona matua.
O Le Uiga o le Tutu Maualuga ia te Au
“Tutu Maualuga” o lona uiga o le ola ai i le talalelei i aso uma. E finagalo le Tama Faalelagi ma Iesu ia ou molimau atu ia i La’ua! Ou te manao i a’u uo uma i le lalolagi atoa e faasoa atu le talalelei i a latou uo.