Auai ma le Naunautai

Three images: 1) In Latvia, members—dressed in Mormon Helping Hands vests and T-shirts—cleaned a community area, gathering 70 bags of trash. 2) In the Solomon Islands, members helped install tanks to provide clean water for about 2,000 people. 3) In Honduras, 600 Latter-day Saint youth worked alongside community members and medical and military representatives to clean areas that attract mosquitoes. — Mai luga: Ua auauna atu volenitia i Lativia, o le Atu Solomona, ma Honduras.

O le Au Paia o Aso e Gata Ai ua “auai ma le naunautai” (tagai i le MF&F 58:27) i le faia o mea lelei i le lalolagi atoa. O nisi nei o mea na faamamafa mai i le tausaga ua mavae:

I Honduras, sa galulue autalavou e 600 o le Au Paia o Aso e Gata Ai faatasi ma tagata o nuu ma sui o le falemai ma le militeli i le faamamaina o eria lea e faatosina mai ai namu.
I Initia, sa valiina e le autalavou o le Au Paia o Aso e Gata Ai ia ala savali ma faamamaina potuaoga i le Aoga Maualuga o le Malo mo Tamaitai i Hyderabad.
I Lativia, o tagata o le ekalesia—na laeiina taoofu o Lima Fesoasoani Mamona ma mitiafu—ma faamama se eria o le alalafaga, ma aoina ni taga e 70 o lapisi.
I Toga, sa faapotopoto le Au Paia o Aso e Gata Ai ma auina atu le kasava ma le ulu i Vanuatu, e fesoasoani ai i tagata na aafia i le Afa o Pam.
I Meleisia, na galulue le Ekalesia ma faalapotopotoga a le malo e tuuina atu meafaigaluega o le kukaina ma le teuina o meaai tuu aisa i tagata na aafia i le lologa ma aoao atu i tamaitai le kukaina o meaai e faaaoga ai se meafaigaluega e alu i le eletise ma se ogaumu.
I le Atu Solomona, na fesoasoani tagata e faapipii tane ina ia maua ai le suavai mama mo le tusa ma le 2,000 o tagata.
I Rusia, sa auai le Au Paia o Aso e Gata Ai i se faamamaina o le alalafaga i le faaiuga o le vaiaso o le Eseta.
I Take, na auai ai tagata o le Ekalesia i se aufaipese tuufaatasi lea na aofia ai tagata Katoliko, Porotesano ma Musalemi.