O Loo Aoao Mai le Tusi a Mamona e uiga ia Iesu Keriso
A o e faitauina le Tusi a Mamona, o le a e alu i le tele o mea fou. O le a e malaga ai i le vao ma le aiga o Liae ma Sarai ma matamata ia Nifae o fau se vaa. O le a e feiloai ai foi i le tele o perofeta—e pei o Liae, Nifae, Apinati, Samuelu, ma Mamona. O loo aoao mai e perofeta uma i le Tusi a Mamona e uiga ia Iesu. O nisi o i latou sa vaai ia te Ia. O le mea moni, o le mafuaaga lena sa tuuina mai ai e le Tama Faalelagi ia lenei tusi faapitoa—e fesoasoani i tagata i soo se mea e aoao atili ai e uiga ia Iesu!