Gaoioiga e Taitai Atu Ai i le Fiafia

Ua aoao mai Peresitene Eyring o “le fiafia lea tatou te mananao ai mo e pele ia i tatou, e faalagolago i a latou filifiliga.”

E mafai ona e faitau e uiga i le aafiaga o ni filifiliga e mafai ona e maua mai le faataitaiga a Nifae, Lamana ma Lemuelu. Na muimui Lamana ma Lemuelu ma e lei mananao e tausi poloaiga (tagai i le 1 Nifae 2:12). O se taunuuga, sa fetuuina i la’ua ma a la’ua fanau ma vavae ese mai le afioaga o le Alii (tagai 2 Nifae 5:20–24). Na filifili e Nifae ia usitai i poloaiga (tagai i le 1 Nifae 3:7), ma ona o lena mea, o ia ma lona nuu na “ola e tusa ma le fiafia” (2 Nifae 5:27).

E mafai ona e filifili e amiotonu ma fiafia. Ae atonu o tagata o loo siomia ai oe e le lelei lava filifiliga latou te faia ma o lea e tau atu ai i le faanoanoa ma le le fiafia. E ui o na faaiuga o a latou lava na mea e fai, ae o au faataitaiga e mafai ai ona tosina a latou filifiliga mo le lelei. E mafai faapefea ona aumaia le fiafia i isi ona o au filifiliga? Ia talanoaina ma lou aiga ni auala eseese e mafai ona e faatosinaina lelei ai i latou o loo siomiaina oe ma fesoasoani ai ia latou maua le fiafia.