Elder Andersen i Ierusalema

Elder Neil L. Andersen faatasi ma le Pulenuu o Ierusalema o Nir Barkat

O Elder Neil L. Andersen o le Korama a Aposetolo e Toasefululua, a o auai i se konafesi o gafa faavaomalo i Ierusalema, na feiloai ai ma Nir Barkat, o le pulenuu o le aai. Sa latou talanoaina le talafaasolopito ma gaoioiga a le Nofoaga Autu o le Iunivesite o Polika Iaga i Ierusalema mo Suesuega i Sasae Latalata, lea ua faagaoioia i Ierusalema mo le 27 tausaga, faapea foi ma le galuega a le Ekalesia ina ia faasaoina talafaasolopito o aiga.

Ua tosina atu i le konafesi o le gafa le faitau selau o tagata auai, e aofia ai ni tagata e tomai faapitoa o talafaasolopito o aiga ma tagata sailiili mai Isaraelu, i Amerika i Matu, Europa, ma isi vaega o le lalolagi.