O la’u uo ua tafetafea ese mai le Ekalesia ona ua ula i ai isi. O le a le mea e tatau ona ou faia?

O mea sili ona lelei e fai i lena tulaga o: (1) ia agalelei, alofa, ma taliaina lau uo (2) aua lava nei faaluafesasia lau molimau.

Afai e te faia nei mea, o le a faamoemoe lau uo e lagonaina lou alofa ma taliaina o ia ma manao e te lua mafuta. E le gata i lea, o le a faamoemoe e iloa e ia le mataga o le tauemu ma le aamu ma soo se tasi e tatau ai lana faamemeloga ma lana faauooga o le a le osofaia ia talitonuga o se isi tagata faapena.

E mafai ona avea lau faataitaiga ma se tasi o mea sili e mafai ona maua e lau uo. Ia e faapei o na tagata mai le miti a Liae na aai i le fua o le laau o le ola ma na tauemuina e i latou i le fale tele ma le vateatea, ae “le amanaia i latou” (1 Nifae 8:33). Afai e vaai mai lau uo ia te oe o faatumauina ou talitonuga ma tu atu ma le mamalu, faaaloalo, loto fiafia, i aamu a isi, e mafai ona ia vaai mai faapea e mafai foi e ia ona faia le mea lava lena. Pe afai o loo i ai lava se fatu o le molimau i lona loto, o le faataitaiga e te faia ma le molimau e te tuuina atonu o nisi ia o mea e fesoasoani ia te ia e lagonaina ai le Agaga ma manatua mea sa ia iloaina muamua.