Mga Kuwento sa Aklat ni Mormon
Tinuruan ni Haring Benjamin ang Kanyang mga Tao
Mula sa Mosias 2–5.
Minsa’y may isang mabuting hari na nagngangalang Haring Benjamin. Tinuruan niya ang kanyang mga tao na sumunod sa Diyos upang magkaroon sila ng kapayapaan.
Tumatanda na si Haring Benjamin. Ibinigay niya sa kanyang anak na si Mosias ang mga banal na kasulatan at ang kompas na tinatawag na Liahona. Gusto niyang ingatan nitong mabuti ang mahahalagang bagay na ito.
Gustong kausapin ni Haring Benjamin ang kanyang mga tao bago siya mamatay. Hiniling niya na pumunta sila sa templo.
Nagdatingan ang mga tao mula sa lahat ng dako ng buong lupain. Nagtayo sila ng kanilang mga tolda kasama ang kanilang pamilya. Ano ang sasabihin ng hari sa kanila?
Tumingala ang mga tao at nakita nila ang hari na nakatayo sa isang tore. Pagkatapos ay nagsimulang magsalita ang hari.
Sinabi ni Haring Benjamin sa mga tao ang gustong ipaalam ng Ama sa Langit sa kanila. Sinabi niya sa kanila ang tungkol kay Jesucristo. Sinabi niya sa kanila na sundin ang mga kautusan at tulungan ang ibang tao. Sa gayon ay tatawagin silang mga alagad ni Cristo. At sila ay muling mabubuhay sa piling ng Ama sa Langit!
Ngayon ay itinuturo sa atin ng ating propeta kung ano ang nais ipaalam sa atin ng Ama sa Langit upang makapiling natin Siyang muli.