GONELALAI ERA DURI DEI TU
E Dua na iTalanoa baleti Story
“Ni bula, na itokani!”
Na yacaqu o Story. Au tiko mai Turkmenistan. Oya e dua na matanitu ena Lomai Esia. Au dau taleitaka na wilivola, droini, kei na culacula. Au dau taleitaka na sara kalokalo vata kei tamaqu. O keitou ga vakamatavuvale na lewe ni Lotu ena vanua TAUCOKO!
Masulaki Missy
Ena dua na siga ni oti e dua na drakica levu, sa yali tiko na nona pusi noqu itokani, o Missy. Keirau vaqaqara e veivanua kece, keirau sega ni raici koya rawa. Au kaya ni rawa ni keirau masu. Eratou sega ni kila na noqu itokani na kena icakacaka, au mani vakaraitaka vei iratou. Keimami tekiduru kece ka keimami dui cavuta na neimami masu. Keitou qai duri cake ka tekivu vaqaqara tale. A cici mai e dua na goneyalewa ka kaya ni sa kunei Missy! Au marau niu wasea e dua na tiki ni kosipeli vei ira na noqu itokani.
Veivakavulici Vakataki Keda
Keirau a laki vuli kei na ganequ o Serai, ki na dua na koronivuli era vuli kina na gone mai na vuqa na veimatanitu. Keirau dau taleitaka me keirau veivakavulici vakataki keirau ka lasa.
Cakacakaniliga kei na lasa
Keirau dau sureti ira mai na neirau itokani kei Serai me ra mai qito. Keimami dau boroboro, cakacakaniliga, ka vakatakakana. Ena gauna ni Siganisucu a caka e dua na neimami vakatasuasua kei ira na itokani tiko veivolekati.
Lotu mai Vale
Baleta ni o keitou ga na lewe ni Lotu, keitou dau lotu ga e neitou vale. Keitou dau soqoni ni sakaramede, lagalagasere, gauna ni veiwasei, kei na lesoni ni Lalai. Au dau tabapiano ena gauna ni lagalagasere.