Vakasama ni Lotu Vakamatavuvale

Na ilavelave oqo era umani tu kina na itukutuku kei na itaviqaravi e rawa ni ra vakayagataki ena lotu vakamatavuvale. Oqo e rua na kena ivakaraitaki.

“Gonelalai kei na Sakaramede,” tabana e 16: Ni oti nomudrau wilika vakaitubutubu na vosa, sa rawa ni drau veivosakitaka na sala e so mera vakatavulici kina na nomudrau gonelalai me baleta na bibi ni sakaramede kei na veiyalayalati era na cakava ena dua na siga ni ra papitaiso. Sa rawa ni o vakayagataka na masu ni sakaramede (kune ena Vunau kei na Veiyalayalati 20:77, 79) mo vakatavulica kina na veiyalayalati e so eda cakava ena veipapitaisotaki kei na kena vakatarai keda na vakayagataki ni sakaramede ena vei Sigatabu yadua me da vakavouia na veiyalayalati oya. Sa rawa ni o vakasamataka talega e so na ka me vukei ira na nomu gonelalai me ra vakanamata kina kivua na iVakabula donuya na sakaramede, me vaka na ivola ni yaloyalo e so ka umani tu kina na ivakatakilakila ni iVakabula.

“E Dua na iVakarau ni Vuli,” tabana e 62: Kevaka e tiko e so na nomu gone qase cake ka vulica vakaiira na ivolanikalou, navuca ni wilika vata kei ira na ivola oqo ka sureti ira me ra tovolea na vakasama e so mai na ivola. Sa rawa ni o vakavuna me ra cakava na lewe ni matavuvale yadua e dua na ivolaniveisiga ni vuli vakaiira ka vakayaco takete mera volavola kina vakawasoma. Sa rawa ni ra solia nodra gauna na lewe ni matavuvale mera wasea na vakasama kei na vakanananu e so mai na nodra ivolaniveisiga ena veilotu vakamatavuvale ka tarava.