Na iTalanoa ena iVola i Momani
iLakolako ki na Vanua Yalataki
Mai na Ica 2–3, 6
Erau a vakaitikotiko o Jereti kei na tacina kei ira na nodrau matavuvale kei ira na itokani ena dua na buca. A rairai vei taci Jereti o Jisu Karisito. A tukuna vua me taya eso na waqa me vakaleleci ira kina na nona tamata me ra kosova na wasawasa ki na vanua yalataki.
Era a taya na tamata na waqa e sega na kena katubaleka. A lomaleqataka o taci Jereti me ra na cegu ka rai vakacava. Qai kaya ko Jisu me ra cakava eso na qara ena waqa.
Ia e vakaevei na rarama? Qai cakava o taci Jereti e 16 na vatu makare. Qai kerei Jisu me tarai ira ena iqaqalo ni Ligana me ra serau mai.
A raica o taci Jereti na nona tara na vatu yadua ena iqaqalo ni ligana o Jisu. Era qai serau mai na vatu. Me vaka ni sa rui levu nona vakabauta, a raici Jisu Karisito na taci Jereti!
A tala mai na Kalou eso na cagi kaukauwa me biliga yani na waqa ki na tai kadua ni wasawasa. Ni ra yacova yani na vanua yalataki, era a masu na Jeretaiti me ra vakavinavinaka vua na Kalou ena nona taqomaki ira.
E rawa ni da vakataki taci Jereti ni da nuitaka na Kalou ka vakabauti Jisu Karisito.