Mga Istorya kabahin ni Jesus
Gipakaon ni Jesus ang Daghang Katawhan
Gikan sa Mateo 14:13–21.
Usa ka adlaw si Jesus gusto nga mag-inusara. Misakay siya og sakayan ug milawig ngadto sa usa ka awaaw nga dapit. Daghang tawo ang misunod Kaniya didto.
Si Jesus mitudlo sa katawhan ug miayo sa mga masakiton. Sa katapusan sa adlaw, ang tanan mibati og kagutom. Ang mga disipulo ni Jesus gusto nga Siya mopalakaw sa mga katawhan aron mamalit og pagkaon didto sa dakbayan.
Si Jesus misulti sa Iyang mga disipulo sa pagpakaon sa katawhan aron dili na sila mobiya. Apan ang mga disipulo adunay lima lang ka tinapay ug duha ka isda. Dili kini paigo sa pagpakaon sa tanan.
Gipanalangin ni Jesus ang pagkaon ug mipikas-pikas niini. Dayon giapud-apod kini sa mga disipulo ngadto sa mga katawhan. Aduna bay igong pagkaon?
Liboan ka mga bata, babaye ug lalaki mikaon sa pan ug isda. Human sa ilang pagpangaon, 12 ka basket nga mga pagkaon ang nahibilin! Usa kadto ka milagro. Ang mga milagro mahitabo gihapon sa yuta karon!