Mga Tingog sa mga Santos sa Ulahing mga Adlaw
Gidala sa mga Anghel ang Kahayag ngadto sa Akong Panimalay
Usa ka Dominggo sa buntag gipangutana ko kon gusto ba kong mabisitahan sa mga home teacher. Bag-o lang ko nga nadiborsyo ug naglisud sa pag-atubang sa bag-o nakong kinabuhi isip single mother nga may duha ka gagmayng anak. Miingon ko nga magpasalamat ko nga mabisitahan. Nianang higayuna, gibati ko og kapait mahitungod sa akong sitwasyon ug mibati nga nag-inusara sa akong mga panglimbasug.
Sa pagkasunod semana, duha ka buotang lalaki miadto sa among balay. Atol sa ilang pagbisita mao gihapon ang sagad nga pangutana ug mipaambit og mubo nga mensahe sa ebanghelyo sa akong pamilya.
Dayon kining mga igsoon nga buotan nangutana, “Sister Nereida, unsay among ikatabang nimo?”
Wala kaayo ko maghunahuna niini, giingnan nako sila nga ang akong mga bombilya dili na mosiga nga naa sa ibabaw sa hagdanan padulong sa ikaduhang andana. Duna koy mga suga nga ikapuli apan dili ko makakab-ot sa pag-ilis niini, ug nabalaka ko nga mogamit og hagdanan kay naa kini tungod sa hagdan. Giingnan sab nako sila nga wala pud koy magamit nga suga sa akong luyo nga tugkaran.
Diha-diha dayon namarug sila. Ang usa miadto sa iyang sakyanan ug mibalik nga may dalang mga gamit. Ang iyang gitas-on hapit mga 6’5” (1.9 m), gisaka niya ang hagdanan ug giilisan ang mga bombilya nga dali ra para niya. Samtang ang iyang kompanyon miadto sa luyo nga tugkaran ug nabantayan nga baligtad ang koneksyon sa kuryente. Wala magdugay naayo niya kini.
Mapasalamaton kaayo ko nga dunay koy mga home teacher sulod sa mga katuigan sa yano nilang buhat sa kamabination, gugma ug dedikasyon ug sa talagsaong leksyon nga ilang gitudlo kanako. Tinuod gayud nga ang akong mga home teacher mga anghel nga wala lamang magdala og kahayag sa among panimalay apan nagdala usab sa kalinaw, paglaum, ug kasiguroan sa ebanghelyo, nga nagdala og kahayag sa bisan unsang matang sa kangitngit.