Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.

“Ang Magic nga Pitaka,” p. 72: Mahimong makasugod kamo sa family home evening nga mangita sa “Choose the Right” (Hymns, nu. 239) Maka-role play ka sa mga sitwasyon nga mopili-sa-matarung uban sa inyong pamilya. Sama pananglit, unsa ang inyong buhaton kon kamo gitintal sa pagpanikas sa usa ka eksamin o dili pag-apil sa usa ka tawo gikan sa usa ka kalihokan? Himoang personal ang mga sirkumtansya aron mohaum sa sitwasyon sa inyong pamilya.

“Unsa ang Family Council?” p. 74: Sa pag-andam alang sa inyong kaugalingong family council, mahimo kamong mobuhat og mga lagda ug mga tumong alang sa mga family council. Hangyoa ang tanan sa pamilya nga mosalmot. Ang mga lagda ug mga tumong mahimong maglakip sa pagpalong sa electronic nga mga butang, maminaw sa usag usa, mag-istorya sa umaabut nga mga kalihokan, ug maghimo og taas og tagal nga mga tumong sa pamilya. I-personalize ang inyong family council ug himoa kini nga makalingaw aron nga ang mga tawo maghinamhinam sa mga family council.