Dapit Kapangutan-an
Unsaon nako sa pagkahibalo nga naa nako sa hustong edad aron makasugod sa pagpuasa?
Sa Dominggo sa puasa, kasagaran dili kita mokaon ug moinum sulod sa duha ka kan-anan. Ato usab ihatag ang kwarta nga kantidad sa atong pagkaon aron matabangan ang mga tawo nga nagkinahanglan niini. Gitawag kana og “halad sa puasa.” Samtang magpuasa kita, makahinumdom kita sa atong mga panalangin, mag-ampo alang sa mga tawo, ug mobati nga maduol ngadto sa atong Langitnong Amahan. Makasugod kamo sa pagpuasa kon kamo ug ang inyong mga ginikanan mibati nga andam na kamo. Kon kamo dili makahimo sa pagpuasa tungod sa problema sa panglawas, makaampo gihapon kamo ug mobati sa Espiritu Santo samtang ang uban nagpuasa.
Nasayud ko nga husto na ko sa edad nga magsugod sa pagpuasa kon akong bation nga gusto nako, ug ang Espiritu Santo misulti kanako nga ako nagbuhat sa sakto nga butang. Sa dihang akong gisugdan, nahimo nako sa hinay-hinay. Una ako magpuasa sa usa ka kan-anan. Dayon akong sulayan ang duha.
Anne D., edad 9, Nevada, USA
Makaampo ka ngadto sa Langitnong Amahan aron masiguro kon kanus-a ka angayng magsugod og puasa. Nasayud ko nga ang Langitnong Amahan motubag sa imong mga pag-ampo.
Liam P., edad 7, Utah, USA
Maayo magpuasa kon gusto nimo nga motabang sa pagpanalangin sa uban ug mobati sa Espiritu. Usa ka maayo nga panahon sa pagpuasa inig human sa imong bunyag.
Eddie O., edad 9, California, USA
Makahibalo ko nga husto nako sa edad tungod kay mabati nako gikan sa Espiritu Santo nga nagsulti kanako nga kini ang tukmang panahon sa puasa. Ug unya ako mangutana sa akong mama ug papa kon kana nga pagbati husto ba.
Brooklyn R., edad 7, Auckland, New Zealand
Kon ako mabunyagan, nagtuo ako nga andam nakong magsugod sa pagpuasa. Makaampo ko sa Langitnong Amahan alang sa Iyang tabang ug makapangutana Kaniya kanus-a ug unsaon nako sa pagsugod.
Brian K., edad 7, Washington, USA