Mga Tubag alang Kaninyo

Unsaon Nako Pagkahibalo Kon ang Akong Tubag gikan ba sa Espiritu o Kanako?

Elder Ronald A. Rasband sa Korum sa Napulog Duha ka mga Apostoles, “Tuguti ang Balaang Espiritu nga mao ang Mogiya,” Liahona, Mayo 2017, 95–96.

“Hinumdumi ang mga pulong ni Nephi. ‘Ako giubanan sa Espiritu, wala masayud sa sinugdanan sa mga butang nga ako mobuhat. Bisan pa niana,’ miingon siya, ‘ako mipadayon’ [1 Nephi 4:6–7].

“Ug kinahanglang mao usab kita. Kinahanglan gayud nga masaligon kita sa atong unang mga pag-aghat. Usahay mangatarungan kita, maghunahuna kita kon mibati ba kita og espirituhanong impresyon o ato lang ba kining mga hunahuna. Kon magsugod na kita sa pagpangagpas sa ikaduhang higayon, gani sa pagpangagpas sa ikatulong higayon sa atong mga gibati—ug nakahimo kitang tanan niini—atong gibaliwala ang Espiritu; atong gikwestyon ang balaanong tambag. Si Propeta Joseph Smith mitudlo, “Kon maminaw kamo sa unang mga pag-aghat, makuha ninyo kini og husto kasiyam sa napulo ka higayon.”