Mga tubag gikan sa usa ka Apostol
Sa unsang paagi nga makatabang ko nga ang tanan mobati nga welcome sa Primary?
Ni Elder Neil L. Andersen
Sa Korum sa Napulog Duha ka mga Apostoles
Gikan sa “Bisan Kinsa nga Magadawat Kanila, Magadawat Kanako,” Liahona, Mayo 2016, 49–52.
Ang Dios nahigugma sa tanan Niyang mga anak. Kitang tanan Iyang mga anak. Kita kinahanglan nga magmahunahunaon ug magmabination. Pipila sa atong mga higala moadto sa simbahan nga sila lang mismo. Ang uban dili magpabunyag hangtud nga sila dagko na.
Makatabang kamo sa usa ka tawo kinsa mibati nga nag-inusara o biniyaan.
Ang pagkaila sa ngalan sa usa ka tawo makahimo og kalainan.
Dapita ang usa ka tawo nga molingkod tupad nimo.
Tabangi kadtong mibati og kahadlok o kaulaw. Hunahunaa sila. I-welcome sila.
Atong ituyhad ang atong mga bukton ug ibukas og mas dako ang atong mga kasingkasing.