Mga Bata nga Buotan

Malipayon nga Motabang!

Gikan sa usa ka interbyu uban ni Jordan Wright, Utah, USA

happy to help

Ako si Angelina! Ganahan ko og enchilada, math, ug kolor nga mint green. Ang akong mga ginikanan gikan sa Burundi, usa ka nasud sa East Africa. Natawo ko sa usa ka refugee camp sa Tanzania. Nagpuyo na ako karon sa Utah, USA.

Usa ka Espesyal nga Pangalan

Makasulti ko og Iningles ug usa ka pinulongan nga gitawag og Kirundi. Akong apelyido nagpasabut nga “Kanunay kong mapasalamaton sa unsay anaa nako.” Mapasalamaton ko nga daghan sa akong paryente nagpuyo ra sa duol.

Kalingawan sa Pamilya

Sa mga holiday ang akong pamilya ug ako moadto sa balay ni Lola alang sa panihapon. Mangaon mi og sambusas (pinirito nga harina nga dunay kan-on o karne sa sulod). Dayon ang mga ginikanan mosulti og mga istorya, ang akong tiyo ug ig-agaw motugtog sa drums, ug ang akong igsoong babaye ug ako mosayaw!

Pagtabang sa Bag-ong Moabut

Ganahan ko motabang usab sa Primary. Pipila sa mga bata sa akong branch makasulti og Kirundi sa balay, ug ang uban makasulti og Swahili. Kami adunay Primary sa Iningles. Kon dunay bag-ong mga bata sa Primary nga makasulti lang og Kirundi, motabang ko pinaagi sa paghubad alang nila.

Pagtabang sa Uban

Kon modako na ko, gusto ko nga mahimong nurse. Apan karon makatabang ko sa pagpanglaba, pag-ilis sa diaper sa akong igsoong babaye, ug pagtabang sa akong igsoong babaye nga si Sophie sa iyang homework.

Pagpakita og Gugma sa mga Bata nga Bag-o

• Kon kamo dili makasulti sa ilang pinulongan, pangita og usa ka tawo nga makahubad.

• Pagkat-on unsaon sa pagsulti og hello. Sa Kirundi, sulti og “Amakuru.” Sa Swahili, sulti og “Jambo!”

• Dapita sila sa pagpakigdula ninyo.

Padad-i kami og Kasingkasing!

Unsaon ninyo sa pagsunod ni Jesus pinaagi sa pagpakita og gugma? Padad-i kami og kasingkasing uban sa inyong istorya ug litrato, uban sa pagtugot sa inyong ginikanan. Isumiter kini pinaagi sa liahona.lds.org (i-klik ang “Submit an Article”) o email sa [e-mail].