Mga Hulagway sa Hugot nga Pagtuo
Niki Covington
Lazio, Italy
Tungod sa pagtuon sa classical art naadto ni Niki ug sa iyang pamilya ang Italy sa makadaghang higayon. Sa pagkakaron si Niki nagpadayon sa iyang pagtuon didto sa Roma, diin siya nagdiskubre og mga paagi sa paggamit sa iyang mga talento ug sa mga art sa pagpamatuod ni Jesukristo.
Cody Bell, litratista
Isip usa ka pamilya, among gitinguha ang paggamit sa mga talento nga among gibati nga hinatag sa Dios aron sa pagpamatuod sa ebanghelyo ug sa pagdala sa gugma ni Kristo ngadto sa kinabuhi sa uban. Napanalanginan ko og limitado gayud nga mga talento, nga nakapahimo kanako sa pagpalambo sa pipila lamang. Pipila sa mga tawo mahimong dunay talento sa gugma nga putli, ang uban makaangkon sa gasa sa pagsulat, ug ang uban mahimong adunay daghan nga mga gasa.
Unsaon ninyo paggamit ang mga gasa ug talento nga hinatag sa Dios diha kaninyo aron sa pagpakigbahin sa inyong pagpamatuod ug sa inyong mga pagbati mahitungod sa ebanghelyo ngadto sa uban? Kini nga pangutana miandam sa among pamilya sa usa ka paningkamot nga makat-on kon unsa ang atong mga gasa ug unsaon namo sa paggamit niini sa pagpamatuod sa Manluluwas.
Kini mao ang nakapahimo kanako og dugang nga pagsiksik ug pagtuon kon unsa ang art, diin kini nanukad, ug ang kalabutan ug tahas niini diha sa ebanghelyo.
Sa akong pagtuon sa gigikanan sa art, akong nakat-unan nga ang mga art adunay sagrado kaayo nga sinugdanan diha sa Dios. Siya ang tag-iya sa tanang kaanyag, hiyas, ug kamatuoran. Tanang matang sa kaanyag naggikan Kaniya. Kini nahimong usa ka dako nga pagkaplag alang kanako isip usa ka artist. Hinaut nga, pinaagi sa akong mga binuhatan, makabilin ko niini isip usa ka pagmapamatuod sa akong mga anak ug sa uban.
Si Niki nakigdula og soccer sa iyang mga anak.
Si Niki anaa sa Italy aron sa pagpalambo sa iyang mga talento isip artist.
Si Niki ug ang iyang mga anak nanguha og mga prisko nga mga sagol alang sa panihapon.
Ang ilang mga anak mao ang tinubdan sa kalipay ni Niki ug Tiffany Covington.
Ang mga Covington mamauli sa balay human sa pagsimba.
Si Niki nagtan-aw sa iyang mga anak nga nagdula.
Ang mga Covington malingaw sa pagpundok aron mangaon.