Mga Tawo sa Kasaysayan sa Simbahan

Usa ka Bag-o nga Propeta

Guntinga kini nga mga litrato aron sa pagtabang kaninyo sa pagpakigbahin sa mga istorya sa kasaysayan sa Simbahan.

a new prophet

Niadtong 1844, si Joseph ug Hyrum Smith miadto sa Bilanggoan sa Carthage aron maghulat sa husay. Dautang mga tawo miguba sa bilanggoan ug mipatay sa Propeta ug sa iyang igsoon! Ang mga Santos wala makasiguro kinsa kaha ang sunod nga propeta. Dayon, sa usa ka miting diin si Brigham Young namulong, usa ka milagro ang nahitabo. Daghang mga tawo ang miingon nga siya pareha og nawong ug tingog ni Joseph Smith! Nasayud sila nga siya ang sunod nga propeta. Karon nasayud kita nga kon ang usa ka propeta mamatay, ang Presidente sa Korum sa Napulog Duha ka mga Apostoles ang mahimong sunod nga propeta.

Makita pa ninyo ang daghang mga tawo sa kasaysayan sa Simbahan sa liahona.lds.org.