Mga Hulagway sa Hugot nga Pagtuo
Ilir Dodaj
Durrës, Albania
Si Ilir misusi sa iyang mga kahimanan samtang ang iyang anak nga lalaki nagsukod sa iyang barug.
Si llir ug ang iyang asawa si Gjystina nagluhod sa pag-ampo uban sa ilang mga anak.
Ang pagsebisyo ni llir isip bishop nagpakita og usa ka maayong ehemplo alang sa iyang anak nga lalaki, kinsa miingon. “Ako adunay lig-on nga pagpamatuod. Gihigugma nako ang akong pamilya ug nag-ampo sa matag adlaw alang sa mga tawo nga anaa sa panginahanglan.”
Si llir ug ang iyang anak nga lalaki maglakaw sa mga kadalanan sa Durrës.
Si Ilir ug Gjystina namiyembro sa Simbahan sulod sa 10 ka tuig.
Ang pagserbisyo dili kanunayng sayon, apan isip usa ka amahan ug usa ka bishop, si Ilir Dodaj naningkamot sa pagpakita sa iyang mga anak nga sa kanunay mao gayud kini ang angay.
Cody Bell, litratista
Usa ka edaran nga sister sa ward adunay tumor sa iyang tiyan ug nagkinahanglan og tabang sa kada adlaw tungod kay dili siya makalihok gikan sa iyang higdaanan. Sa katapusan, mihangyo siya kon mahimo ba akong moadto, dili ang laing naghupot sa priesthood o si bisan kinsang tawo, tungod kay masakiton kaayo siya ug padulong nang mamatay. Gibati siya og pagkakomportable nga anaa ang iyang bishop aron sa pagtabang kaniya.
Usa ka adlaw gioperahan ko sa akong kasingkasing, ug wala ko nakabisita kaniya sulod sa mubo nga panahon. Sa dihang mibalik ko aron makita siya, miingon siya, “Bishop, unsaon man nimo sa pagtabang nako kon bag-o lang ka nga naoperahan?”
Gisultihan nako siya nga, “Akong calling ang pagserbisyo sa uban.”
Nagsingabut na ang iyang kamatayon ug ang iyang lawas nagsugod na sa pagkadunot. Lisod ang makita siya nga ingon niana, apan wala siya mahadlok nga mamatay. Gihigugma niya ang Dios, ug nasayud sa plano sa kaluwasan. “Nakahibalo ko nga ang Dios adunay maanindot nga plano alang kanako,” miingon siya.
Sa dihang namatay na siya, namalandong ko sa mga kasinatian nga akong naangkon uban kaniya ug pagkanindot sa akong calling isip usa ka bishop. Mapasalamaton ko sa pagserbisyo sa uban, sa paghigugma sa uban ug sa pagtabang kanila. Gihigugma nako ang ebanghelyo.