Nofoaga Autu e Aoao ai Faifeautalai

O se nofoaga autu fou e aoao ai faifeautalai i Accra, Kana, ma se faaopoopoga o le nofoaga autu e aoao ai faifeautalai i Provo, Iuta, ISA, ua faalia ai le faaauau ai o le taua o auaunaga faafaifeautalai.

O le NAF a Kana na faamaeaina talu ai nei, i talaane o le Malumalu o Kana Accra, e ofi ai faifeautalai e 320 ma o loo i ai avanoa e faatupulaia ai. O fale tetele e ofi ai faifeautalai e o ese atu mai sisifo ma sautesasae o Aferika, e faapena foi faifeautalai mai le lalolagi atoa na valaauina e auauna atu i Aferika. O fale fou ua faafaigofieina mo faifeautalai e aoao ai i o latou gagana moni—faaPeretania po o le faaFarani—ma aoao le gagana ma le aganuu o le eria na tofia latou e galulue ai.

Ua faaluaina le faaopoopoga o le NAF i lona gafatia i le 280 faifeautalai. E aofia ai fale fou e lua i se lotoa o fogafale lima, e lata ane i ofisa o le Eria i Filipaina ma e faafesagai le auala mai le Malumalu o Manila Filipaina. Talu mai le tatalaina o le NAF i Filipaina i le 1983, ua taulimaina faifeautalai mai le, po o le oo atu i le 60 malo.

O le faaopoopoga o le NAF i Provo e aofia ai le fogafale ono fou faatasi ai ma potuaoga fou e 200, silia ma le 100 potu o aoaoga faataitai, ma potu komepiuta e 12 lea e maua ai e faifeautalai le aoaoga faamasani a o lei auina atu i latou i o latou eria atofaina i le lalolagi atoa. O le NAF i Provo e i ai le gafatia e aoao ai le toatele e 3,700 alii talavou, tamaitai talavou, ma faifeautalai matutua i le taimi.

O loo i ai i le Ekalesia nofoaga autu e aoao ai faifeautalai e 15 i nofoaga eseese i le lalolagi atoa.