Indeks blong Ol Konfrens Stori

Lis ia blong ol eksperiens ia we oli jusum, we oli bin tokbaot long taem blong Jeneral Konfrens, oli save yusum long stadi blong yuwan, long famli haos naet, mo ol nara taem blong tij. Ol namba oli ripresentem fas pej blong toktok.

Spika	Stori
Neil L. Andersen	(83) Taem hem i kasem stret se Sevya i save we hem i stap safa, wan fetful misinari i winim fasin blong harem nogud long tingting taem hem i stap kam oraet afta we hem i kasem kil long wan teroris bom atak. Afta long ded blong gel blong hem, Russell M. Nelson i talem se Jisas Kraes bambae i yusum ol ki blong laef bakegen long ded long bihaf blong olgeta evriwan we oli ded. Russell M. Nelson i testifae long ol memba blong Pueto Riko se “[yumi] save faenem glad long medel blong ol prapa nogud situesen blong yu.”
Brian K. Ashton	(93) Waef blong Brian K. Ashton i kam blong andastanem moa fasin blong God, mo lav mo fasin tangkyu we God i gat long ol pikinini blong Hem.
M. Russell Ballard	(71) Afta we hem i gotru long bigfala harem nogud from ol ded blong ol memba blong famli blong hem, mo ol milian man we oli ded long wo mo from sik, Joseph F. Smith i kasem “visen abaot fasin blong pemaot ol dedman.”
Steven R. Bangerter	(15) Ol apupikinini blong Steven R. Bangerter oli berem ol ston we oli ripresentem Jisas Kraes olsem fandesen blong wan hapi laef. Presiden Russell M. Nelson i stap rimaenem ol papa mo mama abaot responsabiliti blong olgeta blong tijim ol pikinini blong olgeta. Boe blong Steven R. Bangerter i rere blong helpem papa mo mama blong hem blong go long misin. Tabu Spirit i lidim wan olfala man i gobak long Jos mo sef ples long saed blong spirit we hem i save long hem taem hem i smol pikinini.
Shayne M. Bowen	(80) Stori blong wan man we i jenisim laef blong hem i go long Jos tru long paoa blong Buk blong Momon, i tajem Shayne M. Bowen bigwan.
M. Joseph Brough	(12) Long wan wokbaot i go long Alaska, YSA, M. Joseph Brough i lanem se, wetem God, i no gat wan samting we i no posibol. Wan stek presiden i lanem se pis i kam wetem fasin blong fogiv tru long Atonmen blong Jisas Kraes. Tru long tingting blong hat blong hem blong go long wan misin, gel blong M. Joseph Brough i tijim papa blong hem blong mekem ol samting we oli had.
Matthew L. Carpenter	(101) Boe blong Matthew L. Carpenter i finisim fultaem misin blong hem taem hem i bin kam oraet bakegen afta we hem i kasem wan strok.
D. Todd Christofferson	(30) I nomata ol hadtaem, fofala memba blong Jos oli stap strong gud long fet blong olgeta long Kraes, mo oli kasem sapot long Hem we i mekem se i givhan long olgeta.
Quentin L. Cook	(8) Kam Folem Mi—Blong Wanwan Man, Woman mo Famli i mekem wan famli long Brasil i kam moa strong long fet, testemoni mo andastaning blong olgeta long saed blong gospel.
Bonnie H. Cordon	(74) Wan yang woman, mo wan olfala sista, tufala i bildimap wan frensip we i blesem laef blong tufala. Bonnie H. Cordon mo givhan kompanion blong hem i developem wan kwik strong rilesensip blong lav wetem wan sista we tufala i stap visitim. Wan givhan brata i wok blong kam kolosap mo gat tras wetem wan brata we waef blong hem i traem blong tekemaot laef blong hemwan.
Michelle D. Craig	(52) Camilla Kimball i stap tijim wan memba blong wod blong “neva sakemaot wan gud tingting.”
Dean M. Davies	(34) Presiden Gordon B. Hinckley i gat visen long weaples nao bambae oli bildim Vankuva Britis Kolombia Tempol.
Henry B. Eyring	(58) Henry B. Eyring i stap askem hemwan olsem wanem nao mama blong hem i faenem taem mo paoa blong mekem wan map blong evri wokbaot blong Aposol Pol. (90) Henry B. Eyring i lanem blong tritim ol pipol olsem se oli “stap long bigfala trabol.” Sevya i stap tekem waef blong Henry B. Eyring i gotru long ol trabol blong hem.
Cristina B. Franco	(55) Cristina B. Franco i stap lanem se lav mo sakrifaes, tufala ia i sikret kaekae insaed long joklet kek blong Praemeri tija blong hem.
Robert C. Gay	(97) Tabu Spirit i stap helpem Robert C. Gay blong luk bigfala sista blong hem, olsem we God i stap luk hem. James E. Talmage i givhan long wan famli we sik i spolem gud olgeta.
Jack N. Gerard	(107) Afta we oli faenem bigfala sik long Jack N. Gerard, hem i luk laef long wan wei we i lukluk long taem we i no save finis.
Gerrit W. Gong	(40) Elda Richard G. Scott mo Elda Gerrit W. Gong, tufala i toktok raon long fet taem tufala i stap pentem wan kamp faea long wota kala peint. Wan man we i kasem prishud i stap helpem wan kapol we i no aktiv tumas blong kambak long Jos.
Jeffrey R. Holland	(77) Wan givhan singaot we i kam long ol pikinini blong hem, i helpem wan papa blong fogivim man mo gobak long Jos, mo i tekem ol blesing oli kam long famli blong hem.
Joy D. Jones	(50) Joy D. Jones mo hasban blong hem, tufala i developem wan frensip we i stap longtaem wetem wan famli we i no aktiv tumas, afta we tufala i lanem olsem wanem blong givim seves wetem lav long bihaf blong Lod.
Russell M. Nelson	(6) Wan mama i laekem blong holem jos insaed long hom blong hem, from se, blong blesem sakramen long hom evri Sandei, i pusum hasban blong hem blong yusum wan moa klin lanwis. (68) Russell M. Nelson, i mestem, mo i tokbaot hemwan olsem wan mama. Wan boe i talem tangkyu long mama blong hem afta we Tabu Spirit i lidim mama blong hem blong jenisim smatfon blong hem wetem wan baten fon. (87) Benjamín De Hoyos i stap eksplenem long wan redio program daerekta se longfala nem blong Jos, Sevya nao i jusum.
Dallin H. Oaks	(61) Wan yang rifuji, we i wan man, i go long kalabus afta we Hem i faetbak agensem wan yut we i mekem nogud long hem.
Paul B. Pieper	(43) Wan yang gel we i stap rere blong baptaes i talem se, blong tekem nem blong Jisas Kraes, i minim se “mi save gat Tabu Spirit.”
Ronald A. Rasband	(18) Gel blong Ronald A. Rasband mo dewen blong hem, tufala i winim fraet blong tufala blong tekem ol pikinini oli kam long wol ia.
Gary E. Stevenson	(110) Wan memba blong wod i stretem han blong givhan blong hem i go long Carlos A. Godoy, we i bin stap mestem rod. Wan man we i lukaot long sipsip i stap lusum 200 sipsip, from ol nara animol oli kakae olgeta. Wan dog we i lukaot long sipsip i lidim sipsip we i lus i go long sef ples.