Kam Joenem Wok blong Mekem Wan Niu Hymbuk, Niu Buk blong Singsing

Jos i stap rere long ol niu edisen blong tufala buk ia, Ol Hym mo Buk blong Singsing blong Ol Pikinini mo Jos i stap askem blong ol memba blong Jos long evri ples blong givim sam tingting mo sendem sam singsing i kam.

Long newmusic.lds.org, yu save:

Givim sam tingting—talem wijwan nao oli ol fevret hym, o singsing blong ol pikinini, ol Lata-dei Sent hym, o olgeta hym we i no blong Lata-dei Sent, o ol singsing blong ol pikinini blong putum insaed, ol hym o singsing blong no putum insaed, wanem i had wetem ol miusik buk we oli stap naoia, mo ol nara fidbak.

Sendem sam orijinol singsing—ol hym, ol toktok blong hym, ol singsing blong ol pikinini, o toktok blong singsing blong ol pikinini. Miusik i mas stret blong yusum long ol wosip seves. Evri lanwis mo kalja stael bae oli lukluk long hem. Olgeta we oli no kasem 18 yia yet, oli save sendem ol singsing i kam sapos oli gat raet blong papa, o mama blong olgeta, o wan we i lukaot long olgeta. Evri singsing we bae yufala i sendem, mifala i mas kasem bifo namba 1 Julae 2019.