2018
Ol Haelaet blong Namba 188 Yia Jeneral Konfrens
Oktoba 2018

Ol Haelaet blong Namba 188 Medel Yia Jeneral Konfrens

Bakegen, oli bin anaonsem ol bigfala jenis long Jeneral Konfrens ia. I nomata we ol anaonsmen ia oli bin defren long tetaem ia, ol stamba tingting biaen ol anaonsmen ia oli semmak: Profet blong God i filim se yumi mas hariap blong mekem yumi rere from Seken Kaming blong Lod, mo i stap invaetem yumi blong mekem fet blong yumi long Papa long Heven mo Pikinini blong Hem, Jisas Kraes, i kam strong moa.

Hemia, oli samfala ki invitesen mo promes we Presiden Russel M. Nelson i tokbaot bigwan long taem blong konfrens ia.

Mekem Hom I Kam Moa Tabu

Long ol fas toktok blong hem, Presiden Nelson i talemaot se i gat nid blong mekem ol jenis insaed long laef blong yumi, we bae i mekem hom blong yumi i kam senta blong lanem gospel. “Hem i taem blong i gat wan Jos we senta blong hem i stap long hom, mo sapot i kam long wanem i tekem ples insaed long ol branj, wod, mo stek bilding blong yumi.”

  • Rid abaot ol jenis ia we hem i tokbaot blong mekem long hom mo ol jenis long jos we bae i kam sapotem hemia (luk long pej 8).

  • Blong faenem moa infomesen long “Ol Jenis we I Help blong Balensem Tijing long Hom mo long Jos” (pej 117).

“Lego Wol I Stap Biaen”

Presiden Nelson i stap invaetem ol sista long jeneral sesen blong ol woman blong tekpat long wok ia we i moa bigwan olgeta long wol tedei.” Hem i promesem: “Tugeta, yumi save mekem evri samting we Papa long Heven i nidim yumi blong mekem blong mekem wol ia i rere from Seken Kaming blong [Jisas Kraes].

  • Ridim fo invitesen blong Presiden Nelson i go long ol sista (luk long pej 68).

“Putumbak Stret Nem blong Jos blong Lod”

Presiden Nelson i singaotem ol memba blong singaotem Jos blong Sevya long nem we Sevya i bin givim. “Mi promesem yufala se sapos yufala i mekem bes blong yufala blong stretem nem blong Jos blong Lod, Hem we i Jos blong Hem, bae i kapsaetem paoa mo blesing blong Hem long hed blong ol Lata-dei Sent,ol kaen ia we yumi neva luk bifo.”

  • Ridim instraksen blong Presiden Nelson long saed blong nem blong Jos (luk long pej 87).

“Stap Insaed long Tabu Haos blong Hem”

Presiden Nelson i endem konfrens ia wetem anaonsmen blong 12 niu tempol, mo wan invitesen blong “go oltaem blong stap insaed long tabu haos blong Hem.” Hem i talem: “Mi promesem yufala se Lod bae i tekem ol merikel we Hem i save se yu nidim, oli kam long yu taem yu stap mekem ol sakrifaes blong givim seves mo stap wosip long ol tempol blong Hem.”

  • Luk weaples ol tempol we hem i bin anaonsem bae oli stap long hem, (luk long pej 113, 116).