Niu Taemtebol blong Yia 2019

Stat long Jenuware 2019, ol miting blong ol kworom blong ol elda mo blong Rilif Sosaeti, bae oli holem nomo long evri nambatu mo nambafo Sandei blong wanwan manis. Olgeta miting ia, bambae oli lukluk nomo long ol mesej we oli kamaot long las jeneral konfrens. Olgeta tingting blong yusum blong tij long ol miting ia, yufala i save faenem long ol namba blong magasin blong jeneral konfrens blong manis Mei mo Novemba; oli stap long Liahona long Bislama, mo long Ensign, mo tu, insaed long Gospel Laebri ap.

Ol nara jenis, stat long 2019, i gat:

• Fas Sandei kaonsel miting, bae i stop. Be, olsem we i nid, kworom blong ol elda mo ol Rilif Sosaeti oli save yusum sam taem blong nambatu, o nambafo Sandei miting blong toktok raon long wan impoten topik.

• Ol taem blong openem klas, we bifo Aronik mo Melkesedek Prishud kworom oli mit tugeta, o ol Rilif Sosaeti sista mo ol yang woman oli mit tugeta, bambae oli stop.

• Ol miting blong kworom blong ol elda mo Rilif Sosaeti bae oli no stat wetem wan hym o prea, be bae oli endem wetem wan prea.