Tala o Tusitusiga Paia
O Iona ma le Tafola
Mai le Iona 1–4.
Sa poloaiina e le Atua Iona e alu i se misiona. Sa tatau ona alu o ia i le aai na ta’ua o Nineva, ma ta’u atu i tagata e salamo. Ae sa le manao Iona e alu iina. Sa alu o ia i luga o se vaa sa malaga i se aai e ese.
Na oo mai se afa malosi lava. Na fefefe le au seila ne’i goto lo latou vaa. Na iloa e Iona na auina mai e le Atua le afa ona sa sola ese o ia. Sa ia fai atu i alii seila e lafo o ia i le sami ina ia uma ai le afa.
Na auina mai e le Atua se tafola e laveai ia Iona. Sa i ai o ia i totonu o le manava o le tafola mo aso e tolu. Sa tatalo Iona. Sa tonu ia te ia e salamo ma mulimuli i le Atua. Sa faatonu e le Atua le tafola e luai i fafo Iona i le laueleele matutu.
Sa alu atu Iona i Nineva. Sa ia aoaoina tagata iina. Ma e sa faalogo tagata o Nineva! Sa amata ona latou toe mulimuli i le Atua.
A ou faia se filifiliga sese, e mafai ona ou salamo ma toe taumafai. Sa alofa le Atua ia Iona, ma e alofa le Atua ia te a’u!