O le Migao o le Alofa Lea
I le Aso Faraile, sa fai mai ia lo’u faiaoga ou te faitauina se solo sa ou tusia i luma o tamaiti aoga uma, faiaoga, ma matua i le potopotoga atoa a le matou aoga. Sa matuai ou fiafia lava, o lea sa ou fai atu ai, “Ioe!” Ae sa ou matuai popole lava foi i ai.
A o ou saofai i luga o le tulaga e faatali ai e faitau la’u solo, sa amata ona vave le tata o lo’u fatu. Sa ou lagonaina le popole tele i le faasoaina atu o se mea sa ou tusia i ni tagata e toatele.
Ona oo mai lea o se manatu i lo’u mafaufau. Sa ou mafaufau i le ala matou te faitauina faatasi ai ma lo’u aiga le Tusi a Mamona i taeao ao le’i [oo i le taimi] o le aoga. O le mafaufau i le faitauina o tusitusiga paia ma lo’u aiga, sa ou mafaufau ai i le Tama Faalelagi. Sa ou mafaufau i Lona alofa ia te a’u. Sa ou lagonaina le mafanafana ma le le toe tuua toatasi. Sa tau le topetope le tata o lo’u fatu, ma sa ou lagonaina le migao.
I le Tusipese a Tamaiti i le itulau e 12, o loo faapea mai upu,
Tele le ava nai lo le lē pisa.
Ia mafaufau i le Tamā.
O ana fa’amanuiaga iā te a’u.
Auā ole ava o le alofa.
Fa’aalia i upu ma mea e fai.
Manino le ala e ui ai.
A ou ava ou te iloa i lo’u loto,
Lata mai Iesū ma le Tamā.
Ou te faafetai ona sa ou lagonaina le alofa o le Tama Faalelagi ina ua ou popole i le potopotoga [a le aoga]. Ma e ou te faafetai i le iloa e alofa tele o Ia ia te a’u.
Ou te iloa i tulaga faigata, e mafai ona ou filifili ia migao ma mafaufau i le Atua.