La Paz, Polivia

O Atumauga o Illimani ua ufitia i le kiona, e tuuina mai ai se vaaiga mataina i le pito i tua mo le aai tu maualuga, piliki lanumumu o La Paz, lea e masani ona ta’ua o le nofoaga autu o taitai a Polivia ona o le tele o ofisa o taitai o le malo o loo i ai iina.

O faifeautalai o loo talai i le Misiona a Andes sa taunuu i Polivia ia Novema 1964 ma faia ai se fonotaga, ma e toa 19 sa auai. Sa latou papatisoina ma faamauina le uluai tagata liliu mai ina ua tasi le masina mulimuli ane. O le aso, o tagata auai o le Ekalesia i Poliva ua silia ma le 203,000 i aulotu e 255 ma misiona e 5. O le malumalu aupito latalata i ai o Cochabamba, e 145 maila (233 km) le mamao, e fitu itula e alu ai i le taavale mai La Paz.

Ua lauiloa le Ekalesia i Polivia ona o ana galuega faatino fesoasoani alofa i le lotoifale, e aofia ai le foai atu o nofoa faataavalevale ma masini faafomai mo pepe faatoa fananau mai; auai i le foai atu o toto; lagolagoina o faiga o faatoaga, faiga o togalaau i le fale, ma taumafaiga e atiina ae ai afioaga; ma le faatulagaina o taumafaiga fesoasoani i taimi e pagatia ai.

O le Au Paia i La Paz i le eria o le taulaga, e potopoto i nofoaga eseese e 40.
O le FaaSipaniolo o le gagana aupito taatele lea, ae e toatele e tautatala i le FaaQuechua, FaaAymara, po o le FaaGuarani.
O le uluai faifeautalai faamisiona mai Polivia sa valaauina i le 1967.
O Tesema 2014 na faailogaina ai le 50 tausaga o le Ekalesia i Polivia. Sa faia e le aupaia i La Paz se fiafia faamanatu mo le lotoifale ia Ianuari 2015.