Tuusao i le Mataupu
Ua ou salamo, ae o loo o’u lagonaina lava le tausalaina tele. E mafai faapefea ona ou maua le toafilemu?
Ona o le Togiola e le i’u a Iesu Keriso, e mafai ai ona tafi ese lou tausalaina pe afai e te salamo atoatoa. Ae o nisi taimi e lagona ai pea lava e tagata lagona o le tausalaina i mea e manatua o a latou agasla e ui lava ina ua latou salamoina.
E mafai ona fesoasoani le tausalaina po o le “tiga faaleatua” (2 Korinito 7:10). E mafai ona faatutotonu ai o tatou mafaufauga ia Iesu Keriso ma taitai atu ai i tatou i le salamo moni ma le suia. O le ma, i le isi itu, e faatutotonu ai o tatou mafaufauga ia i tatou lava ma avea ma faalavefau i lo tatou alualu i luma.
Ua tuuina mai e le Tusi a Mamona ia i tatou ni faataitaiga lelei o le ala e mafai ona tatou salamo ai ona olioli ai lea i le toafilemu ia Iesu Keriso:
-
O le manatuaina o ana agasala ua mavae na faaosofia ai Amona e vivii i le Faaola ma Lona alofa mutimutivale, ma aumaia ai ia te ia le olioli nai lo o le puapuagatia (tagai Alema 26:17–20).1
-
Ina ua “tau ane [le] mafaufau [o Alema] i [le] manatu” e uiga ia Iesu Keriso ma Lana Togiola, sa “le toe laga atuatuvaleina [o ia] i le manatuaina o [ana] agasala” (Alema 36:17–19). E ui ina sa i ai pea le manatua, ae sa le toe faatigaina o ia e lea manatua.2