Roma, Italia

Ata

Italy Rome Temple

Pe a faapaiaina le Malumalu o Roma Italia i le vaiaso o Mati 10–12, 2019, o le a olioli le Au Paia o Aso e Gata Ai i le lalolagi, ae maise lava le Au Paia i Italia. O le a se isi mea e sili atu ona taua e mafai ona maua e le “aai e faavavau” nai lo le mauaina o le maota o le Alii?

O le malumalu, o le malumalu muamua lea i Italia, o loo i le vaega i matusasae o Roma. O se vaega autu faalelotu ma le faaleaganuu lena e aofia ai se falelotu e tele ona aoga (faatasi ai ma se potu tele faaaganuu ma nofoaga mo konafesi), se nofoaga autu mo tagata asiasi, o se nofoaga autu o le talafaasolopito o aiga, ma se fale e nonofo ai tagata e o mai i le malumalu, e siosiomia uma lava e togalaau.

Na amata taumafaiga faafaifeautalai i Italia i le 1850, ae na faalavelaveina e se gaoioiga a tagata tetee-i le Ekalesia ma mea na manaomia aloaia faigata. Na iu ina faatagaina le Ekalesia e faaauau taumafaiga faafaifeautalai i le 1964. I le 1993, na tuuina atu ai e Italia le faatagaga aloaia i le Ekalesia. I le 2012, na maua ai e le Ekalesia le faatagaga aloaia o se “paaga a le setete,” lea e faatagaina ai le Ekalesia i le saolotoga e sili atu e faia ni mea lelei e sili atu, o se ekalesia ma o se faalapotopotoga foi i le nuu.

I le asō, ua toeitiiti 27,000 le Au Paia o Aso e Gata Ai i Italia i ni aulotu e 101.
Na pulefaamalumalu Peresitene Thomas S. Monson (1927–2018) i le suatiaina o le eleele i le 2010 mo le Malumalu o Roma Italia, lea na auai ai foi le sui pulenuu o Roma.
E lua misiona i Italia: o le Misiona a Italia Milan ma le Misiona a Italia Roma.