2019
O Se Lesona mai i Ou Matua
Mati 2019

O se Lesona mai i Ou Matua

Saunia e Elder Massimo De Feo

O Le Fitugafulu

Ata
Elder Massimo De Feo
Ata
A Lesson from My Parents

Sa ou ola ae i se taulaga itiiti i Italia i saute. O lou aiga e le o ni tagata o le Ekalesia. I se tasi aso, ao iva ou tausaga, na tuitui mai ai ni faifeautalai se toalua i lo matou faitotoa.

E lei fiafia ou matua i mea na tau atu e faifeautalai, ae sa ou fiafia. E faapena foi lou uso, o Alberto. Na faataga e o ma matua i maua e feiloai pea ma faifeautalai. Na papatisoina mulimuli ane ma faamauina i ma’ua. Sa 10 ou tausaga ae 11 Alberto.

Ina ua 18 ou tausaga, sa ou fai atu i lou tama e fesoasoani mai ia te au e totogi lau misiona. I le taimi muamua sa ia tali mai, “E leai lava. E tele naua tupe.” Ae i le lua aso mulimuli ane, na ia fesili mai ia te au, “E te fia alu moni lava i se misiona?” Ma sa ou fai atu, “Ioe. Ma lo’u loto atoa.” Na fai mai lo’u tama o le a ia fesoasoani ia te au.

Ou te lei malamalama pe aisea o le a totogi ai e lou tama se tau tele faapea mo au. Ona ou iloaina lea aua e alofa o ia ia te aʼu. Na ou manatua ai le taulaga a Iesu Keriso mo i tatou. Na Ia totogi le tau sili ona maualuga ona e alofa o Ia ia i tatou.

Ina ua ou foi mai lau misiona, sa mai tigaina lou tina i le kanesa. I se tasi aso na ia fai mai ia te au e aoao o ia e tatalo. Na manao o ia e tatalo mo au. E oo lava i ona tiga, sa ia manatu ai i isi. Na ou manatua ai foi Iesu Keriso. Ina ua Ia togiola mo i tatou, sa tiga tele o Ia. Ae sa tatalo o Ia mo i tatou.

E ui lava e lei auai lava ou matua i le Ekalesia i lenei olaga, na avea i laua ma ni faataitaiga lelei mo au. Ou te faafetai mo lesona na ou aoao mai ia te i laua. E mafai ona tatou aoao le tele o mea mai o tatou matua, faiaoga, ma taitai pe afai tatou te faalogo i mea latou te aoaoina ai i tatou.

Aoao mai i O Tatou Matua

Pe a tatou filifili e ava i o tatou matua, e faamanuiaina i tatou (tagai Eseto 20:12). Valivali ata ma lio mea na aoao ai oe e se matua po o se matua fai. O a isi mea e mafai ona e mafaufau i ai? Tusi le ata i avanoa!

  • Tatalo

  • Faamama mea palapala

  • Faaaoga upu alofa

  • Saunia se meaai

  • Faitau

  • Fesoasoani i isi

Lolomi