Ia Avea Faapei o Iesu

Saunia e Peresitene Henry B. Eyring

Fesoasoani Lua i le Au Peresitene Sili

Henry B. Eyring, “O La Tatou Faataitaiga Atoatoa,” Liahona, Nov. 2009, 70–73.

I se tasi Aso Sa, sa ou matamata ai i se vaega o tamaiti o le Peraimeri o pepese:

Ou te taumafai e avea e faapei o Iesu;
Alofa e pei o Ia, i a’u mea uma e fai. 
A faaoso a’u e fai mea sese.
Ou te usitai i le leo lemu e faimai,
“Ia fealofani e pei o Iesu. 
Agalelei i mea uma e fai. 
I ou mafaufauga ia agamalu,
Ua a‘oa’o mai o Iesu.” 

O tamaiti taitasi na faalagolago atu i luma, toeitiiti lava i luma atu o lona nofoa. Na mafai ona ou vaai i le malamalama i o latou mata ma le naunautai i o latou foliga. O Iesu Keriso sa avea o lo latou faataitaiga. Ia avea e faapei o Ia o lo latou sini.

E mafai ona tatou avea uma e faapei o le Faaola, o Iesu Keriso, e ala i le ola i Lana talalelei. Ou te faamoemoe o le a outou vaavaai mo ni avanoa e fai ai e faapei ona Ia faia ma alofa e faapei ona Ia alofa. O le alofa o le auala Na te taitaia ai i tatou ia avea faapei o Ia. E leai se tasi o i tatou e atoatoa. Ae e mafai ona tatou iloa o loo tatou mulimuli i Ona ala. Na te taitaia i tatou, ma e finagalo o Ia ia i tatou e mulimuli ia te ia. ●