Mauaina o le Masani faaleKonafesi

E oo mai i Aperila taitasi ma Oketopa taitasi. Atonu, ua e masani i le masani faaleafatausaga. Ae e mafai faapefea ona e mautinoa o se vaega moni lava o lou olaga—mo le taimi o totoe o lou olaga?

I le lumanai, pe a tuua na o oe, o le a se mea o le a e faia i ono masina taitasi pe a taamilo mai le konafesi? Ia faia se filifiliga nei ina ia pulea le mana o lenei vaega e tupu faalua-i-le tausaga e ala i le auai. Aua le tau ina faapea atu “O le a ou matamata i ai i le initoneti i se taimi.” Avea le konafesi o se gaoioiga taua ma o se masani i lou olaga.

O nisi nei o mea e mafai ona e faia e maua ai le masani faalekonafesi mo le olaga:

1. writing down a goal

   Faatu se sini.

   O le faalogo i perofeta ma aposetolo soifua o se tasi o mea e sili ona taua e mafai ona e faia. Taumafai ia maimoa i sauniga uma i le vave e te mafaia. Taumafai e fuafua se aso ma le taimi o le a e matamata ai i sauniga uma lava.

2. calendar

   Faasao le aso.

   I le mea sili e mafaia, ia faasao se taimi ia aafia ai i le konafesi ma ia faaavanoa lau kalena i soo se taaloga lava, gaoioiga ma uo, po o isi mea e faalavelave. Afai e le mafai ona e faalogo i le konafesi aoao i le taimi lava lena e sau ai, e mafai lava ona e faia o se gaoioiga ma fuafua se aso e matamata ai.

3. nachos

   Ia fai ni tu masani.

   O nisi o tu masani aoga e mafai ona aofia ai talanoaga faaleaiga o lauga e fiafia i ai, tatalo faaleaiga ae lei amata se sauniga, po o le faia o se lisi o upusii patino. O tu masani malie e mafai ona aofia ai meaai—taumafa po o meaai mama ma ni nai mea malie, igoa e fesootai ma le konafesi (meaai mama o le konafesi, nachos grandes de conferencia, aisa kulimi musuia, po o ni karoti o le konafesi).

4. conference issue of the magazine

   Ia i ai se fuafuaga mo le MAVAE AI o le konafesi.

   Avea lauga o le konafesi o se vaega o lau suesuega masani o le talalelei. E mafai ona e faitauina se lauga o le konafesi i Aso Sa taitasi mo le isi ono masina, faalogo i se tasi i luga o le pasi po o totonu o le taavale i aso taitasi mo le lua vaiaso, pe sue uma mau mai le konafesi i le taimi o suesuega faaletusipaia patino. Po o le a lava lau filifiliga, fai se fuafuaga ia fai loa.

Peresitene Russell M. Nelson

“Ia suesue e le aunoa i savali o lenei konafesi—pe faisoo foi—i le isi ono masina o sosoo ai nei. Ia tagai ma le toto’a i ni auala e faaaofia ai nei savali i a outou afiafi faaleaiga, o au aoaoga o le talalelei, o a outou talanoaga ma aiga ma uo, e oo lava i a outou talanoaga ma i latou e le o nisi o la tatou faatuatuaga.”

Peresitene Russell M. Nelson, “Faamalosi Ia i le Galuega Nei,” konafesi aoao Ape. 2018.