Galala mo le Malamalama Sili Atu

Salt Lake Temple filling up buckets illustration

I se tasi taimi na ou alu ai i se tafaoga faamasani muamua lava ma se teine o lau uarota. O le taeao na sosoo ai na o maua lava e toalua na oo atu mo le malaga a le matou uarota i le malumalu. Na ma ofo atu e fesoasoani i soo se sauniga e manaomia ai le tele o tagata … lea na iu ae o faamauga.

Sa ou matuai popole lava, ae i lou faateia tele, o le faia o faamauga e sui ma se teine i le itiiti ifo ma le 12 itula talu ona uma le ma tafaoga faamasani muamua sa lei matuai leaga lava e pei ona ou manatu i ai. Afai e i ai se mea, o lena aafiaga na tuuina mai ia te au le vaaiga e sili atu i le taua tele o vaega taitasi o galuega faalemalumalu—e aofia ai faamauga (faitau atili i la’u tusiga i le initoneti).

E tulaga ese uma lava o tatou tulaga, ae afai tatou te tauivi ia malamalama atili i feagaiga tatou te osia i le malumalu, o na feagaiga o le a faaitiitia le pei o ni mea e kolosi ese ia tatou lisi faaleagaga ae o le a sili atu pei o punaoa e matuai manaomia lava o le “vai ola” lena e aumaia ia i tatou le malosi faaleagaga (tagai Mataupu Faavae ma Feagaiga 63:23). Ma i le lalolagi vevesi o loo tatou ola ai, tatou te manaomia le malosi uma e mafai ona tatou maua!

I lenei lomiga, ua faasoa mai e talavou matutua o latou aafiaga i le malumalu. Na faasoa mai e Kealohilani le ala na faamanuiaina ai lona olaga i le ofuina ma le faamaoni o le ofusa o le malumalu (tagai itulau 44). I se tusiga ua na o le polokalama faatekinolosi e maua ai, ua faasoa mai e Zariah ona popolega e uiga i le mauaina o se lagona o le lava o le lelei e ulu ai i le malumalu. Afai o loo e sauniuni foi e auai i le malumalu mo le taimi muamua, ua matou tuufaatasia se F&T atonu e te mauaina e fesoasoani (na o le initoneti). Ma ua talanoa mai Mahesh e uiga i le ala na ia toe foi atu ai i le malumalu ia malamalama atili ai i feagaiga na ia osia iina (tagai itulau 48).

Ao ou taumafai e alu i le malumalu i le tele o taimi ou te mafaia ia faatumu ai lau punavai faaleagaga, o le mea e sili le taua o le faapea ou te faatagaina le Agaga i le malumalu e aoao au ma suia au i totonu ma fafo foi o ona puipui. Ona mafai lea e “vai ola” na e tafe mai le malumalu ma e ala mai i a’u feagaiga e mafai ona fesoasoani e faamalie ai lo’u galala i aso taitasi.

Malo!

Alex Hugie

Fautuaga Sili Ona Lelei …

Ua faasoa atu e le autalavou matutua le fautuaga sili ua latou mauaina e uiga i le faia o le malumalu o se vaega o lou olaga.

“Na tau mai e lou epikopo ia te au o le malumalu o le a avea o se aafiaga paia pe a ou manao i ai. E faitalia lava au e filifii po o le≠ a le tele o se aoga o le malumalu e mafai ona faia i lou olaga.”

—Jasmyn Nye, Iuta, ISA

“O le i ai o se malumalu e latalata mai e maoae, ae afai e le o lava tagata i le malumalu, ona mamao ese lava lea. E tatau ona tatou tumau le latalata i le malumalu, e tusa lava po o le a le mamao e i ai.”

—Cole Murphy, Kalefonia, ISA

“Ia i ai se faamoemoe. Alu ma se fesili, faia se galuega mo se tuaa, saili le filemu, pe faalogo mo uunaiga.”

—Sydney Orton, Iuta, ISA

O le a le fautuaga aupito sili ona lelei ua e mauaina e uiga i le faia o measese ma toe taumafai? Auina mai lau tali i le liahona.lds.org i le aso 31 o Mati, 2019.